Viarchoŭny sud Vieniesueły ŭ sieradu apublikavaŭ rašeńnie, u jakim pryznaŭ nikčemnymi apošnija dziejańni apazicyjnaj nacyjanalnaj asamblei, a taksama dazvoliŭ kiraŭniku dziaržavy Nikałasu Madura nie vystupać pierad parłamientam sa štohadovaj spravazdačaj, piša ria.ru.
Na pasiadžeńni 9 studzienia parłamient abviaściŭ, što Madura pakidaje pasadu z-za nievykanańnia abaviazkaŭ. Užo tady Viarchoŭny sud zajaviŭ, što nacyjanalnaja asambleja nie vałodaje paŭnamoctvami dla źmiaščeńnia Madura.
Na dumku viarchoŭnych sudździaŭ, usie rašeńni apošnich pasiadžeńniaŭ nie majuć siły, bo parłamient pa-raniejšamu praciahvaje prajaŭlać niepavahu da vykanaŭčaj ułady i parušaje ŭstanoŭlenyja zakonam normy svajoj dziejnaści.
U suviazi ź situacyjaj sud dazvoliŭ Madura vystupić sa štohadovaj spravazdačaj ab rabocie ŭrada ŭ bližejšuju niadzielu nie pierad deputatami parłamienta, a pierad členami Viarchoŭnaha suda.
