Vyłučany amierykanskim abranym prezidentam Donaldam Trampam na pasadu ministra abarony ZŠA Džejms Mecis zajaviŭ, što rasijski prezident Uładzimir Pucin sprabuje raskałoć krainy NATA, paviedamlaje VVS.
Padčas sienackich słuchańniaŭ pa kandydaturach na pasady ŭ budučym ŭradzie Mecis adznačyŭ, što suśvietny paradak sutyknuŭsia z samaj vialikaj pahrozaj z časoŭ Druhoj suśvietnaj vajny. I hetuju pahrozu, padkreśliŭ jon, ujaŭlajuć Rasija, Kitaj i terarystyčnyja hrupoŭki.
Adkazvajučy na pytańni sienataraŭ, jon skazaŭ, što jon budzie vystupać za ŭmacavańnie adzinstva NATA, i ŭ pryvatnaści za padtrymku krain Bałtyi, jakija adčuvajuć pahrozu z boku Rasii, i za terytaryjalnuju cełasnaść Ukrainy. Pry hetym jon zajaviŭ, što ZŠA majuć patrebu va ŭzmacnieńni svajoj vajennaj mocy.
U toj ža čas Mecis zajaviŭ, što zhodny z prezidentam Trampam adnosna naładžvańnia supracoŭnictva z Maskvoj u tych pytańniach, dzie heta budzie mahčyma.
Džejms Mecis moža stać pieršym kadravym vajskoŭcam na čale Pientahona bolš čym za paŭstahodździa.
