Prakuraturaj Minskaha rajona raspačata sprava pa č. 3 art. 424 KK (złoŭžyvańnie słužbovymi paŭnamoctvami) u dačynieńni da namieśnika staršyni Minskaha rajvykankama.

Jak paviedamili BiełaPAN u Hienieralnaj prakuratury, čynoŭnik padazrajecca ŭ tym, što, pracujučy raniej staršynioj sielskaha vykanaŭčaha kamiteta, sumiesna ź viadučym śpiecyjalistam ziemleŭparadkavalnaj słužby rajvykankama niezakonna daŭ jaho siastry ziamielny ŭčastak u pryvatnuju ŭłasnaść. Pryčynienaja škoda dziaržavie aceńvajecca bolš čym u 12 tys. dalaraŭ ZŠA.

Kryminalnaja sprava zaviedziena pa materyjałach UBEP UUS Minskaha abłvykankama.

U kastryčniku minułaha hoda było zavieršanaje śledstva pa spravie namieśnika staršyni Minskaha rajvykankama, jaki kuryravaŭ pytańni sielskaj haspadarki i charčavańnia. Jaho dziejańni byli kvalifikavanyja pa č. 3 art. 426 KK (pieravyšeńnie ŭłady i słužbovych paŭnamoctvaŭ).

Pa dadzienych śledstva, z sakavika pa listapad 2015 hodu kiraŭnik, žadajučy paźbiehnuć materyjalnych zatrat pry budaŭnictvie dvuch žyłych damoŭ na ziamielnych učastkach, aformlenych na blizkich svajakoŭ, sistematyčna na biazvypłatnaj asnovie vykarystaŭ budaŭničuju techniku, materyjały, a taksama rabotnikaŭ kuryrujemych sielskahaspadarčych pradpryjemstvaŭ Minskaha rajona

Клас
0
Панылы сорам
0
Ха-ха
0
Ого
0
Сумна
0
Абуральна
0