Ministerstva adukacyi ahučyła źmieny, jakija płanujuć unieści ŭ novuju redakcyju Kodeksa ab adukacyi, paviedamlaje «SB - Biełaruś siehodnia»

Pa-pieršaje, prośby niekatorych baćkoŭ pačuli. U vyniku školniki zmohuć iści ŭ pieršy kłas z 5 hadoŭ. Ciapier u baćkoŭ niamała narakańniaŭ na toje, što pieršakłaśnikam moža stać tolki toj, kamu na pačatak navučalnaha hoda jość 6 hadoŭ abo spaŭniajecca da 30 vieraśnia.

Pa-druhoje, fakultatyvy ŭ subotu dazvolać dla vučniaŭ nie tolki 9—11 kłasaŭ, ale i dla 5—8 kłasaŭ.

Pa-treciaje, napaŭnialnaść kłasaŭ pavialičać da 30 vučniaŭ. Zaraz, nahadajem, u siaredniaj škole maksimum 25 vučniaŭ u kłasie, a ŭ licejach i himnazijach - 20. Pry hetym kančatkovaje rašeńnie ab napaŭnialnaści kłasaŭ zastajecca za zasnavalnikam navučalnaj ustanovy, jaki pavinien ŭličyć usie akaličnaści: kolkaść dziaciej u mikrarajonie, sanitarnyja normy.

Jak paviedamiła Iryna Karžova, namieśnik načalnika ŭpraŭleńnia ahulnaj siaredniaj adukacyi Minadukacyi, novaja redakcyja Kodeksa abzaviadziecca normaj ab profilnaj adukacyi, płanujuć skaracić i kolkaść vidaŭ ustanoŭ adukacyi. Havorka idzie pra viačernija škoły, vučebna-vytvorčyja kambinaty i kompleksy «dziciačy sad — škoła». Što da apošnich, za ŭstanovami ahulnaj siaredniaj adukacyi pry hetym zastaniecca prava realizoŭvać prahramy daškolnaj adukacyi.

Клас
0
Панылы сорам
0
Ха-ха
0
Ого
0
Сумна
0
Абуральна
0