Avijanosiec Gerald R. Ford hatovy na 99% i budzie pieradadzieny vajenna-marskomu fłotu ZŠA ŭ krasaviku hetaha hoda, paviedamiŭ na hetym tydni sajt breakingdefense.com.

breakingdefense.com

breakingdefense.com

Atamny karabiel-horad koštam u $13 miljardaŭ — hałaŭny ŭzor novaha avijanosca dla amierykanskaha fłotu, jakija vykarystoŭvaje mnostva raniej nie ŭžyvanych technałohij. U sakaviku i pačatku krasavika avijanosiec, budoŭla jakoha pačałasia ŭ 2009 hodzie, projdzie apošnija vyprabavańni.

Vodaźmiaščeńnie karabla składaje kala 100 000 ton, daŭžynia — 337 mietraŭ, šyrynia — ad 41 mietra kala vaterlinii da 78 mietraŭ na palotnaj pałubie. Usiaho karabiel, jaki dva atamnyja reaktary razhaniajuć da chutkaści bolš za 30 vuzłoŭ, maje 25 pałub.

Avijanosiec budzie nieści ad 75 da 100 samalotaŭ i viertalotaŭ, na im buduć słužyć bolš za 500 aficeraŭ i kala 3800 šarahoŭcaŭ, siaržantaŭ i staršyn. Ličycca, što karabiel prasłužyć amierykancam nastupnyja 50 hod.

Usiaho zapłanavana pabudavać 10 takich avijanoscaŭ na zamienu isnujučym karablam kłasa Nimitz, pieršy ź jakich pačaŭ słužyć u 1975 hodzie, a apošni — u 2009. 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?