Čałaviečym faktaram patłumačyŭ skarhi hramadzian, jakija pamyłkova atrymali apaviaščeńnie ab vypłacie zboru na finansavańnie dziaržvydatkaŭ («padatku na darmajedstva»), načalnik hałoŭnaha ŭpraŭleńnia padatkaabkładańnia fizičnych asob Ministerstva pa padatkach i zborach Michaił Rasolka.

«Byŭ šerah niedakładnaściaŭ i niedachopaŭ pry farmiravańni bazy płacielščykaŭ. Baza sfarmiravana, havorka idzie pra jakaść pradastaŭleńnia źviestak u hetu bazu. Čamu časam paviedamleńni nakiroŭvajucca i potym hramadzianie dajuć niejkija tłumačeńni? Asnoŭnaja prablema na siońniašni dzień u tym, što ŭ šerahu vypadkaŭ infarmacyja ab tym, što hramadzianin udzielničaŭ u finansavańni dziaržvydatkaŭ, dajecca samim hramadzianinam», — zajaviŭ Rasolka 13 studzienia na pres-kanfierencyi ŭ pres-centry BiełTA.

Jon rastłumačyŭ, što maje na ŭvazie situacyi, kali ludzi znachodziacca praciahły čas na lačeńni i źjaŭlajucca niepracazdolnymi, ale ŭ hetym kirunku MPZ ciapier supracoŭničaje z ustanovami achovy zdaroŭja, kab tyja pieradavali źviestki sami ŭ elektronnym vyhladzie. Taksama havorka idzie pra biełaruskich hramadzian, jakija pracujuć u Rasii. U hetych vypadkach padatkovyja orhany zmohuć atrymać infarmacyju tolki ad samich hramadzian.

Kamientujučy fakty nakiravańnia paviedamleńniaŭ ab vypłacie padatku na darmajedstva studentam, Rasolka adznačyŭ: «Kali pa niejkaj pryčynie adbyŭsia niejki zboj, na žal, heta čałaviečy faktar. Byli momanty, kali ŭ dačynieńni da asobnych studentaŭ infarmacyja nie pastupała, ale heta pamyłki niejkija. Bo padajecca nie proźvišča, imia i imia pa baćku, a tolki identyfikacyjny numar».

Pavodle słoŭ čynoŭnika, padatkaviki pravodziać tłumačalnuju pracu z tymi, chto daje niajakasnyja źviestki ŭ bazu płacielščykaŭ, i danosiać da ich, što «cana pamyłki ŭ adnoj ličbie vielmi surjoznaja».

Клас
0
Панылы сорам
0
Ха-ха
0
Ого
0
Сумна
0
Абуральна
0