Abrany prezident ZŠA Donald Tramp zajaviŭ, što zachavaje sankcyi ŭ dačynieńni da Rasii «prynamsi, na niejki čas». Pra heta palityk skazaŭ u intervju amierykanskamu vydańniu Wall Street Journal.
U toj ža čas abrany prezident nie vyklučyŭ i admieny sankcyj pry peŭnych umovach. Jon zajaviŭ, što moža admianić sankcyi, kali Maskva dakaža svaju karyść u baraćbie z teraryzmam, a taksama ŭ dasiahnieńni inšych metaŭ, jakija važnyja dla ZŠA.
«Kali nam atrymoŭvajecca zładzić, i kali Rasija nam sapraŭdy dapamahaje, kali chto-to robić sapraŭdy vydatnyja rečy, to navošta kamu b tam ni było zachoŭvać sankcyi», - pryvodzić vydańnie słovy Trampa