Sud u Łos-Andželesie pastaviŭ kropku ŭ šlubarazvodnym pracesie zorki Halivudu Džoni Depa i aktrysy Embier Chierd, paviedamlaje Reuters.
Sud pastanaviŭ, što Dep paśla razvodu vypłacić Chierd $7 młn. Pa słovach aktrysy, jana źbirajecca achviaravać ich na dabračynnyja mety. Pałovu z hetaj sumy jana paabiacała addać Amierykanskamu sajuzu hramadzianskich svabod, druhuju pałovu — Dziciačaj balnicy Łos-Andželesa.
Zhodna z rašeńniem suda, Dep abaviazany vypłacić $ 200 tys. adrazu ž, astatniaje - na praciahu hoda.
Šlub akcioraŭ doŭžyŭsia 15 miesiacaŭ. U mai minułaha hoda Chierd padała na razvod, abvinavaciŭšy Depa ŭ pastajannych abrazach. Kulminacyja, pa jaje śćviardžeńni, nastupiła tady, kali ŭ mai muž kinuŭ joj u tvar mabilny telefon i raźbiŭ niekalki pradmietaŭ u kvatery.