15 studzienia pačynaje pracu tematyčnaja pryjomnaja deputatki Pałaty pradstaŭnikoŭ šostaha sklikańnia Hanny Kanapackaj i prychilnikaŭ pieramienaŭ.

Pra heta Svabodzie paviedamiła Hanna Krasulina — pres-sakratar Abjadnanaj hramadzianskaj partyi, da jakoj naležyć i spadarynia Kanapackaja:

«Heta novaja placoŭka dla sumiesnaj pracy pa aktualnych pytańniach kamandy Hanny Kanapackaj, hramadzkich inicyjatyvaŭ, hramadzianaŭ, strukturaŭ dziaržaŭnaj ułady, ekspertnaj supolnaści, žurnalistaŭ.

15 studzienia ŭ paradku dnia — ekalahičnyja pytańni: prablema ŭščylnieńniaŭ, škodnyja vytvorčaści, alternatyŭnaja enerhietyka, utylizacyja śmiećcia, čystaja vada dy inšyja.

Pa vynikach kožnaha pryjomu budzie raspracavany plan dziejańniaŭ, u realizacyju jakoha budzie dałučany i toj, chto pryjšoŭ, pryjechaŭ, prapanavaŭ!

Što heta moža być? Mahčyma, heta stvareńnie hrupy (hrupaŭ) pa padrychtoŭcy zakonaprajektaŭ. Abo deputacki zapyt. Abo analityčnaja zapiska ŭ orhany ŭłady. Heta moža być taksama kruhły stoł abo słuchańni z pryciahnieńniem roznych arhanizacyjaŭ, strukturaŭ, orhanaŭ ułady.

15 studzienia na sustreču pryjduć Hanna Kanapackaja i jaje pamočniki. Da nas dałučacca niekalki ekspertaŭ u pytańniach ekalohii. My raźličvajem na toje, što adhuknucca specyjalisty Ministerstva pryrodnych resursaŭ.

Pieršy pryjom deputackaj tematyčnaj pryjomnaj projdzie pa adrasie: Miensk, vulica Viery Charužaj, 22-1701 (17-y pavierch) z 11:00 da 14:30.

Pryjomnaja budzie mabilnaj — heta značyć jaje adras moža mianiacca, pryjom moža prachodzić u roznych miescach u zaležnaści ad temy».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?