Biełaruski instytut stratehičnych daśledavańniaŭ (BISS), u suviazi sa skančeńniem kadencyi, abviaščaje konkurs na pasadu akademičnaha dyrektara.
Akademičny dyrektar pryznačajecca Schodam pajščykaŭ i padspravazdačny Savietu instytuta. Sumiesna z administracyjnym dyrektaram i Savietam instytuta akademičny dyrektar raspracoŭvaje stratehiju raźvićcia instytuta i ažyćciaŭlaje jaje efiektyŭnuju realizacyju.
Akademičny dyrektar vykonvaje nastupnyja asnoŭnyja funkcyi:
1. Kiraŭnictva padrychtoŭkaj, płanavańniem i kaardynacyjaj daśledčych i analityčnych prahram BISS;
2. Raspracoŭka akademičnych standartaŭ publikacyj BISS, pracedur kantrolu ich jakaści;
3. Zabieśpiačeńnie prahramnaj intehracyi roznych instytucyjnych prajektaŭ, u pryvatnaści daśledavańniaŭ, rehularnaj analityki i inš.;
4. Upraŭleńnie pradstaŭnictvam BISS na navukovych i ekśpiertnych placoŭkach;
5. Kiraŭnictva padrychtoŭkaj knih, artykułaŭ, analityčnych zapisak, publicystyčnych materyjałaŭ BISS;
6. Kiraŭnictva pracaj stypiendyjataŭ, stažoraŭ, inšych udzielnikaŭ daśledavańniaŭ i prahram BISS, jakija niepasredna nie źviazany ź instytutam.
Sumiesna z administracyjnym dyrektaram BISS ažyćciaŭlaje:
1. Płanavańnie dziejnaści BISS i składańnie hadavych biudžetaŭ;
2. Pošuk finansavańnia i raspracoŭku prajektnych prapanoŭ dla atrymańnia finansavańnia;
3. Padtrymańnie kantaktaŭ z donarami, stejkchołderami i partniorskimi arhanizacyjami;
4. Udzieł u pracy pa padtrymańni suviaziaŭ z hramadskaściu, u tym liku pa raźvićci vebsajta BISS, pradstaŭlenaści ŭ sacyjalnych sietkach i miedyja;
5. Kiraŭnictva padrychtoŭkaj mierapryjemstvaŭ BISS (prezientacyi, kanfierencyi, kruhłyja stały i h.d.).
Kvalifikacyjnyja patrabavańni:
1. Najaŭnaść navukovaj stupieni ŭ halinie sacyjalnych navuk. Pieravaha budzie addadziena kandydatam z zachodniaj stupieńniu PhD. Minimalnaje patrabavańnie - abaronienaja kandydackaja dysiertacyja.
2. Jak minimum piacihadovy vopyt akademičnaj pracy abo pracy ŭ daśledčych instytutach i think-tanks.
3. Svabodnaje vałodańnie (mahčymaść svabodna razmaŭlać, pisać navukovyja materyjały, redahavać, pierakładać z/na) biełaruskaj, ruskaj i anhlijskaj movami.
4. Ekśpiertyza ŭ «biełaruskaj tematycy»: palityka, ekanomika, hramadstva.
Kandydat pavinien być hatovy da:
- Pracy ŭ maładym kalektyvie, jaki dynamična raźvivajecca;
- Afarmleńnia pa aŭtarskaj damovie ź litoŭskaj arhanizacyjaj BISS;
- Vysokaj stupieni niavyznačanaści i adsutnaści mahčymaści ŭ BISS harantavać doŭhačasovyja kantrakty z zabiaśpiečanymi ŭmovami pracy;
- Umovaŭ apłaty pracy, jakija zaležać ad prajektnaj dziejnaści instytuta.
Zacikaŭlenyja kandydaty pavinny dasłać:
- Poŭnaje akademičnaje CV;
- Matyvacyjny list;
- Karotki płan raźvićcia BISS, uklučajučy mahčymyja asnoŭnyja napramki daśledavańniaŭ (da 3 staronak tekstu)
na adras: [email protected] da 25 studzienia 2017 h. Zajaŭki, dasłanyja paśla 25 studzienia, razhladacca nie buduć.
Rašeńnie pa vybary kandydata budzie pryniata da kanca lutaha. Arhanizacyja zkantaktujecca tolki z kandydatami, jakija prajšli papiaredni adbor.
