Intensiŭnaść śniehapadu źnizicca ŭviečary 14 studzienia.
Pra heta paviedamiŭ BIEŁTA dziažurny sinoptyk Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody.
«U druhoj pałovie dnia śniehapad uzmacniŭsia, zaraz jon dosyć intensiŭna idzie pa ŭsioj krainie. Tolki pa paŭdniovym uschodzie, dzie tempieratura pavietra vyšejšaja, adznačajucca apadki ŭ vyhladzie mokraha śniehu i navat daždžu. Uviečary intensiŭnaść apadkaŭ pačnie słabieć, ale zusim śnieh nie spynicca — nočču taksama budzie iści», — rastłumačyŭ dziažurny sinoptyk.
Da viečara 15 studzienia vobłačnaści stanie mieniej, vypadzieńnie śniehu praktyčna spynicca, uzmocniacca marazy.
Pa stanie na ranicu 14 studzienia, vyšynia śniežnaha pokryva ŭ cełym pa krainie składała ad 5 da 24 sm. «U Minsku ranicaj było 16 sm, ciapier kala 20 sm», - rastłumačyli ŭ Hidramiecie.
