Ministerstva zamiežnych spraŭ Ukrainy padało ŭ Mižnarodny sud AAN u Haazie pazoŭ suprać Rasii, abvinavaciŭšy Maskvu ŭ «ździajśnieńni aktaŭ teraryzmu i dyskryminacyi ŭ chodzie niezakonnaj ahresii suprać Ukrainy», paviedamlaje VVS.

Pazoŭ padadzieny ŭ ramkach Mižnarodnaj kanviencyi ab baraćbie ź finansavańniem teraryzmu i Mižnarodnaj kanviencyi ab likvidacyi ŭsich formaŭ rasavaj dyskryminacyi, paviedamlajecca na sajcie viedamstva.

Na dumku ŭkrainskich uładaŭ, Rasija parušaje pieršuju kanviencyju, bo daje zbroju i inšyja vidy dapamohi niezakonnym uzbrojenym farmavańniam, jakija dziejničajuć na terytoryi Ukrainy. Padać pazoŭ MZS daručyŭ prezident Ukrainy Piatro Parašenka.

«Try hady Rasijskaja Fiederacyja hruba parušaje mižnarodnaje prava, try hady ažyćciaŭlaje niezakonnuju anieksiju Kryma, niezakonnuju akupacyju Uschodu našaj krainy na terytoryi Danieckaj i Łuhanskaj abłaściej, realizuje palityku źniščeńnia i dyskryminacyi ŭ Krymie», — zajaviŭ jon.

Raniej Ukraina padała pazoŭ suprać Rasii, abvinavaciŭšy Maskvu ŭ kradziažy marskich resursaŭ, zabrudžvańni ŭkrainskich terytoryj «ź niehatyŭnym upłyvam na ekałohiju Čornaha mora, u tym liku i padčas budaŭnictva Kierčanskaha mosta».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?