Pieršy ŭ Hrodnie lažačy kinateatr pačnie pracu viasnoj. Pra heta BiełTA paviedamiŭ hienieralny dyrektar KUP «Hrodnaabłkinavideaprakat» Juryj Alaksiej.
Kinateatr niezvyčajnaha farmatu budzie adkryty na bazie moładzievaha centra «Hrodna». Ciapier zakuplajecca nieabchodnaje abstalavańnie.
«Hałoŭnaja asablivaść novaha kinateatra — mahčymaść prahladu kinafilmaŭ ležačy. Dla hetaha ŭ zale moładzievaha centra źjaviacca zručnyja šezłonhi i kanapy. Tut ža budzie pracavać bar. Dla amataraŭ kłasičnaha prahladu ŭstalujem niekalki šerahaŭ zručnych kresłaŭ», — adznačyŭ Juryj Alaksiej. Jon padkreśliŭ, što heta nie pieršaja sproba ŭ Hrodnie stvaryć kinateatr novaha farmatu. Raniej byli zapuščany i paśpiachova funkcyjanujuć načny kinateatr i kinabar.
Juryj Alaksiej adznačyŭ, što moładzievy centr «Hrodna» stvaraŭsia na bazie byłoha kinateatra dziakujučy inicyjatyvie moładzi rehijonu, jakaja prapanavała vykarystoŭvać stary budynak u novym farmacie na konkursie «100 idej dla Biełarusi». I mnohija inicyjatyvy pa vykarystańni centra taksama zychodziać ad moładzi. U novym kinateatry buduć pakazvać filmy ŭ 3D-farmacie.
