U Sankt-Pieciarburhu i Leninhradskaj vobłaści prajšoŭ apieratyŭna-mabilizacyjny zbor kiraŭničaha składu Zachodniaj vajskovaj akruhi Rasii, hałoŭnaj temaj jakoha była padrychtoŭka da stratehičnych kamandna-štabnych vučeńniaŭ «Zachad-2017», piša rasijskaje «Niezavisimoje vojennoje obozrienije».
U mierapryjemstvie ŭziali ŭdzieł bolš za 160 aficeraŭ, hienierałaŭ i admirałaŭ, paviedamlaŭ raniej aficyjny sajt Minabarony RF, nie zhadvajučy vučeńni, jakija pavinny prajści ŭ tym liku i na terytoryi Biełarusi.
Vučeńni «Zachad-2017» adbuducca vosieńniu 2017 hoda, i, jak čakajecca, buduć vielmi vialikimi pa maštabach — mohuć pieraŭzychodzić vučeńni «Kaŭkaz-2016», u jakich udzielničali 125 000 vajskoŭcaŭ i 97 tysiač reziervistaŭ, piša «NVO».
Biełaruskija analityki adznačali, što U 2017 hodzie Ministerstva abarony Rasii płanuje adpravić u Biełaruś i ź Biełarusi 4162 vahony z vojskami i inšymi hruzami, što ŭ šmat razoŭ bolej, čym kaliści raniej.
Rezki rost rasijskich vajskovych pastavak u Biełaruś vyklikaŭ zrazumiełuju zaniepakojenaść ŭ ukrainskaj presie, zhodna ź mierkavańniem jakoj heta moža aznačać razhortvańnie ŭ Biełarusi bujnoj rasijskaj hrupoŭki dla ahresiŭnych dziejańniaŭ suprać Ukrainy ci navat krain Bałtyi.
Biełaruskija ekśpierty vykazvajuć roznyja mierkavańni z nahody vučeńniaŭ.
