Reuters.com
Były prezident Hambii Jaja Džame pahadziŭsia pakinuć svaju pasadu i pakinuć krainu, napisaŭ u svaim tvitary novy prezident Adam Beroŭ. Pra heta paviedamlaje Dožd́.
Napiaredadni vajennyja siły Ekanamičnaj supolnaści krain Zachodniaj Afryki (EKAVAS) pad kiraŭnictvam hienierała ź Sieniehała pierasiekli miažu Hambii.Takoje rašeńnie było pryniata paśla taho, jak Džamu admoviŭsia pieradać paŭnamoctvy abranamu prezidentu krainy Adamu Beroŭ i ŭvioŭ u krainie nadzvyčajnaje stanovišča. AAN padtrymała rašeńnie ab vajennym ŭmiašańni.
Uvarvańnie było prypyniena 20 studzienia, kab dać mahčymaść prezidentu Džame dobraachvotna skłaści svaje paŭnamoctvy.
Beroŭ užo prynios prysiahu 19 studzienia ŭ pasolstvie Hambii ŭ Sieniehale.
Džame pryjšoŭ da ŭłady ŭ Hambii ŭ 1994 hodzie, zrynuŭšy prezidenta Dauda Džavara. Jon čatyry razy vyjhravaŭ vybary ŭ krainie.
