Novych rysiaŭ ŭ jakaści žyvoha simvała śpiecnaza dla vajskovaj čaści 3214 unutranych vojskaŭ MUS Biełarusi buduć šukać u dziaržaŭnych zaaparkach. Pra heta havorycca ŭ adkazie namieśnika ministra ŭnutranych spraŭ — kamandujučaha ŭnutranymi vojskami Juryja Karajeva na zapyt BiełaPAN.

Nahadajem, raniej infarmacyjny resurs Sputnik sa spasyłkaj na kiraŭnictva vajskovaj čaści paviedamiŭ, što śpiecnaz unutranych vojskaŭ MUS atrymaŭ dazvoł na adłoŭ dźviuch rysiaŭ, jakija buduć słužyć žyvym simvałam čaści. Raniej u hetaj čaści ŭ śpiecyjalnym valjery ŭžo ŭtrymlivalisia dźvie rysi, adnak letaś jany pamierli.

Jak paviedamlajecca ŭ adkazie MUS za podpisam Juryja Karajeva, rysi, jakija ŭtrymlivalisia na terytoryi vajskovaj čaści, źjaŭlalisia ŭłasnaściu Minskaha zaaparka i byli pieradadzienyja śpiecnazu pa damovie ab biesterminovym utrymańni.

«U ciapierašni čas kamandavańnie vajskovaj častki 3214 vyvučaje pytańnie ab nabyćci rysiaŭ u adnym ź dziaržaŭnych zaaparkaŭ ŭ adpaviednaści z zakanadaŭstvam Respubliki Biełaruś», — paviedamlaje Juryj Karajeŭ.

Takim čynam, adznačaje kamandujučy ŭnutranymi vojskami, «infarmacyja ab adłovie vajskoŭcami vajskovaj častki 3214 rysiaŭ u miescach ich pražyvańnia, a dakładniej u nacyjanalnych parkach i zapaviednikach krainy, nie adpaviadaje rečaisnaści».

Клас
0
Панылы сорам
0
Ха-ха
0
Ого
0
Сумна
0
Абуральна
0