Členy vykankama Jeŭrapiejskich alimpijskich kamitetaŭ (JEAK) praviali pieršaje ŭ 2017 hodzie pasiadžeńnie pry ŭdziele prezidenta Mižnarodnaha alimpijskaha kamiteta (MAK) Tomasa Bacha. Klučavym rašeńniem stała naznačeńnie Śpirasa Kaprałasa na pasadu staršyni kaardynacyjnaj kamisii JEAK pa Jeŭrahulniach 2019 hoda ŭ Minsku, paviedamili BiełTA ŭ pres-słužbie NAK Biełarusi.
U chodzie pasiadžeńnia Tomas Bach padzialiŭsia infarmacyjaj ab pravodzimych MAK mierapryjemstvach, u pryvatnaści ab baraćbie z dopinham, i adkazaŭ na pytańni členaŭ vykankama JEAK. «Pazicyja Mižnarodnaha alimpijskaha kamiteta zaklučajecca ŭ sumlennym i abjektyŭnym padychodzie pry rasśledavańni, i Jeŭrapiejskija alimpijskija kamitety poŭnaściu padtrymlivajuć MAK», — zajaviŭ vykonvajučy abaviazki prezidenta JEAK Janiez Kačyjančyč.
Na pasiadžeńni JEAK byli zasłuchany spravazdačy hienieralnaha sakratara arhanizacyi Rafaele Pańjocy, kaznačeja Kikisa Łazarydziesa i spartyŭnaha dyrektara Pirsa O'Kałahana.
Naznačeńnie Śpirasa Kaprałasa na pasadu staršyni kaardynacyjnaj kamisii II Jeŭrapiejskich hulniaŭ u 2019 hodzie ŭ Minsku sustreła adnahałosnaje adabreńnie z boku členaŭ vykankama.
Śpiras Kaprałas, prezident NAK Hrecyi, užo zajmaŭ hetu pasadu z 2013 pa 2015 hod pry padrychtoŭcy I Jeŭrapiejskich hulniaŭ u 2015-m u Baku.
«Jon vielmi efiektyŭna papracavaŭ na pasadzie kaardynacyjnaj kamisii ŭ Baku, i my rady, što Śpiras pahadziŭsia znoŭ kiravać chutka nabirajučaj abaroty padrychtoŭkaj da Jeŭrahulniaŭ u Minsku», — adznačyŭ Janiez Kačyjančyč.
Pieršy vizit kaardynacyjnaj kamisii ŭ Minsk zapłanavany viasnoj.
Vykankam JEAK daŭ vysokuju acenku padrychtoŭcy da majučaha adbycca zimovaha XIII Jeŭrapiejskaha junackaha alimpijskaha fiestyvalu ŭ Erzurumie. Janiez Kačyjančyč padziakavaŭ NAK Turcyi i arhkamitetu fiestyvalu za praviedzienuju rabotu, jakija spravilisia z zadačaj padrychtoŭki spartyŭnaj padziei na praciahu dvuch hadoŭ.
