Jak paviedamili krynicy ź blizkaha koła siamji, narodny artyst Biełarusi Alaksandr Cichanovič pamior a 6-j hadzinie ranicy 28 studzienia ŭ reanimacyi 10-j haradskoj kliničnaj balnicy Minska.
Alaksandr Cichanovič i Jadviha Papłaŭskaja. Skrynšot videa NN, 2015 h.
— Apošnija niekalki tydniaŭ jamu było ŭžo zusim kiepska, nie vychodziŭ z chaty. Jadzia palacieła na hastroli ŭ Izrail — jany byli zapłanavanyja raniej, — Saša zastaŭsia, — raspaviadaje krynica.
Kali siabry zrazumieli, što stan zdaroŭja muzykanta krytyčny, jany terminova špitalizavali jaho — heta było ŭ aŭtorak, 24 studzienia.
Pavodle niekatorych źviestak, Cichanovič pakutavaŭ u tym liku i ad ankałahičnaha zachvorvańnia.
Raźvitańnie z narodnym artystam Biełarusi Alaksandram Cichanovičam i hramadzianskaja panichida projduć 30 studzienia ŭ Biełaruskaj dziaržaŭnaj fiłarmonii.
