Rasija nastojvaje na apłacie Biełaruśsiu doŭhu za pastaŭki hazu ŭ minułym hodzie ŭ poŭnym abjomie, zruchaŭ u pieramovach pa hetym pytańni pakul niama, zajaviŭ žurnalistam vice-premjer Rasii Arkadź Dvarkovič.

Reuters.com

Reuters.com

«Viadziem pieramovy. Prahresu niama. Arhumientacyja nie mianiajecca. Mianiajucca varyjanty rašeńnia, ale pakul nie znajšli ŭzajemaprymalnych. My ŭ lubym vypadku nastojvajem na apłacie ŭ poŭnym abjomie minułaha hoda pa toj formule, jakaja była raniej», - skazaŭ Dvarkovič.

«Na našu dumku, kala 550 młn dalaraŭ, pa našych raźlikach», — skazaŭ jon, adkazvajučy pra sumu doŭhu Biełarusi za pastaŭki hazu z Rasiei.

Naftahazavy kanflikt pamiž Biełaruśsiu i Rasijaj pačaŭsia z taho, što ŭ suviazi z suśvietnym padzieńniem cenaŭ na enierhanośbity Minsk nazvaŭ spraviadlivaj canu na haz, jaki pastaŭlajecca ŭ Biełaruś, u pamiery 73 dalaraŭ za 1 tys. kubamietraŭ. Rasija dahetul nastojvała na vykanańni dziejučaha kantraktu: cana Jamała plus tranzit, zachoŭvańnie i realizacyja na miascovym rynku. Ciapier cana na haz dla Biełarusi składaje 132 dalary za 1000 kubamietraŭ.

Z hazavym pytańniem uviazana i skaračeńnie pastavak nafty ŭ Biełaruś. Vice-premjer Rasii Arkadź Dvarkovič zajaviŭ, što Rasija z-za niedapłaty za pastaŭki hazu pryniała rašeńnie ab skaračeńni pastavak nafty ŭ Biełaruś. Jon taksama zajaviŭ, što ŭrehulavańnie hazavaj sprečki pamiž Rasijaj i Biełaruśsiu mahčyma ŭ sudovym paradku.

Jak raniej zajaŭlaŭ vice-premjer Biełarusi Uładzimir Siamaška, Minsk raźličvaje, što kampramisnaje rašeńnie pa naftahazavym pytańni z Maskvoj budzie znojdziena nie paźniej I kvartała 2017 hoda. Tym časam Alaksandr Łukašenka zapatrabavaŭ, kab skaračeńnie pastavak rasijskaj nafty ŭ Biełaruś było kampiensavana alternatyŭnymi varyjantami.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?