U Nihieryi va ŭzroście 93 hadoŭ pamior były isłamski prapaviednik, viadomy jak baba (baćka) Masaba, u jakoha było 86 žonak, piša VVS.

Getty

Getty

Machamied Beła Abubakar pamior u svaim domie ŭ subotu ad zachvorvańnia, jakoje nie nazyvajecca. Na jaho pachavańnie ŭ niadzielu sabraŭsia vialikaja natoŭp ludziej.

Jak paviedamlaje hazieta Nigeria's Daily Trust, u 2008 hodzie, kali Abubakar staŭ miedyjnaj asobaj, u jaho było 86 žonak, a na momant śmierci — užo 130.

Pavodle danych haziety, niekatoryja jaho žonki ciažarnyja. Vydańnie piša, što ŭ prapaviednika zastalisia 203 dziciaci.

U 2008 hodzie, pa dadzienych VPS, u Machamieda Abubakar było 170 dziaciej.

Niekalki žonak prapaviednika dzieviać hadoŭ tamu raspaviali, što paznajomilisia z Machamiedam Abubakaram, kali pryjšli da jaho z nadziejaj atrymać vylačeńnie ad chvarob. Ź ich słoŭ, dziakujučy dapamozie Abubakara jany sapraŭdy pazbavilisia ad svaich chvarob.

«Ja ich nie šukaju, jany sami prychodziać da mianie. Ja ŭsprymaju heta jak zahad Ałacha i prosta žaniusia ź imi», — raspaviadaŭ prapaviednik. Mnohija ź jaho žonak značna maładziejšyja za jaho dziaciej.

Adna z žonak prapaviednika, Hanijat, raspaviała, što paznajomiłasia z Machamiedam Abubakaram, kali jašče była školnicaj — maci pryviała jaje da prapaviednika, kab atrymać paradu ŭ lačeńni chvaroby. Paśla kansultacyi jana atrymała prapanovu ab zamužžy.

«Ja adkazała, što nie mahu vyjści zamuž za pažyłoha čałavieka, ale jon skazaŭ, što tak zahadvaje Ałach», — raspaviadała Hanijat u 2008 hodzie. Na toj momant jana była zamužam za prapaviednikam 20 hadoŭ.

Bolšaść musulmanskich bahasłovaŭ sychodziacca ŭ mierkavańni, što Karan dazvalaje musulmaninu mieć nie bolš za čatyroch žonak, pry ŭmovie, što jon zmoža zabiaśpiečvać ich i nadavać im roŭnuju ŭvahu. Adnak Abubakar spasyłaŭsia na toje, što Karan nie praduhledžvaje pakarańnie dla čałavieka, u jakoha bolš za čatyry žonki.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?