Ambasada Złučanych Štataŭ Amieryki ŭ Minsku abviaściła pra źmieny ŭ pracedury zvaroty pa vizy, havorycca na staroncy pradstaŭnictva ŭ fejsbuku.

U mnohich amierykanskich aeraportach prachodziać akcyi pratestu suprać ukaza Trampa. Na fota AFP akcyja pratestu ŭ zonie pryletio Vašynhtonskaha aeraporta imia Dalesa.

U mnohich amierykanskich aeraportach prachodziać akcyi pratestu suprać ukaza Trampa. Na fota AFP akcyja pratestu ŭ zonie pryletio Vašynhtonskaha aeraporta imia Dalesa.

U suviazi z napružanaściu ŭ amierykanska-biełaruskich adnosinach źviartacca pa vizy, u tym liku ŭpieršyniu, treba było pieravažna ŭ pradstaŭnictvy ZŠA za miežami Biełarusi. Ale ŭ Minsku možna było padać na abnaŭleńnie vizy. Ciapier praviły krychu ŭskładniajucca.

Jak paviedamlaje Ambasada ZŠA ŭ Minsku, dla zajaŭnikaŭ, jakija abnaŭlajuć vizy: abnavić vizy ŭ Minsku mohuć tolki tyja, čyje vizy skončylisia mienš za 12 miesiacaŭ tamu (raniej termin składaŭ 3 hady i 10 miesiacaŭ). Usie astatnija achvotnyja abnavić svaje vizy, čyje vizy skončylisia bolš za 12 miesiacaŭ tamu, pavinny źviartacca pa abnaŭleńnie viz u ambasady ZŠA ŭ inšych krainach.

Dadzienaje praviła nie datyčycca pastajanna pražyvajučych u Respublicy Biełaruś asobaŭ, jakija źviartajucca pa vizy ŭ nastupnych katehoryjach:

dypłamatyčnyja vizy (vizy katehoryj A i G),

studenckija vizy (katehoryi F i M);

vizy naviedvalnikaŭ pa abmienie (katehoryja J) — aproč viz pa prahramie «Letniaja praca i padarožžy»;

vizy dla haściej dyppradstaŭnictva (svajaki biełaruskich dypłamataŭ, jakija pracujuć u biełaruskich dypłamatyčnych misijach u ZŠA),

pajezdki i prahramy, fundavanyja uradam ZŠA;

zajavy ad asob starejšych za 70 hadoŭ, jakija źbirajucca naviedać ZŠA z metaj turyzmu, naviedvańnia siabroŭ, svajakoŭ i h. d;

rabočyja vizy katehoryj P (artysty, spartsmieny i da t.p.) i O (rabotniki z vydatnymi zdolnaściami), jakija vydajucca na asnovie uchvalenaj pietycyi.

Pasolstva rekamienduje źviartacca pa nieimihracyjnyja vizy ŭ pasolstvy ZŠA ŭ Maskvie, Pieciarburhu, Kijevie, Varšavie, Vilni, Ryzie.

Клас
0
Панылы сорам
0
Ха-ха
0
Ого
0
Сумна
0
Абуральна
0