U Łuhansku vybuchnuła mašyna z načalnikam upraŭleńnia «milicyi ŁNR» VIDEA 32

U vyniku vybuchu aŭtamabila ŭ centry Łuhanska ŭ subotu zahinuŭ «načalnik upraŭleńnia Narodnaj milicyi» t. zv. «ŁNR» Aleh Anaščanka, piša»UP».

Pra heta paviedamiŭ resurs bajevikoŭ «Łuhanski infarmacyjny centr» sa spasyłkaj na «pres-słužbu Narodnaj milicyi».

Tam nazvali vybuch teraktam.

«4 lutaha ŭ 07.50 na vulicy Čyrvanaściažnaj ŭ rajonie kvartała Mirny ŭ vyniku terarystyčnaha aktu — padryvu aŭtamabila — zabity načalnik upraŭleńnia Narodnaj milicyi ŁNR pałkoŭnik Anaščanka A. V.», — havorycca ŭ paviedamleńni.

U padarvanym aŭtamabili, akramia Anaščanki, znachodziŭsia jašče adzin čałaviek, jon taksama zahinuŭ.

Raniej krynica ŭ «siłavych strukturach Łuhanska» paviedamiła, što kala 8 ranicy prahrymieŭ vybuch na adnoj z vulic u rajonie centra horada. Vidavočcy paviedamili, što padarvany pazadarožnik marki Toyota.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH