Viadučy telekanała Fox News Bił O'Rajli padčas razmovy z Donaldam Trampam nazvaŭ prezidenta RF Uładzimira Pucina zabojcam. Vytrymki ź jašče nie pakazanaha intervju apublikavanyja na sajcie telekanała.
Pavodle infarmacyi vydańnia, padčas razmovy Tramp čarhovy raz zajaviŭ, što pavažaje Pucina. U adkaz viadučy zaŭvažyŭ: «Ale ž jon zabojca».
«Zabojcaŭ šmat, — adkazaŭ na heta Tramp. - U nas taksama šmat zabojcaŭ. Dumajecie, naša kraina takaja niavinnaja?»
Donald Tramp zaklučyŭ, što Rasii i ZŠA lepš mieć dobryja adnosiny, i kali Rasija hatovaja dapamahčy Amierycy ŭ hałoŭnaj baraćbie - ź ID i isłamskim teraryzmam - to heta dobra.
Jak adznačaje The Washington Post, u 2015 hodzie Tramp ŭžo adkazvaŭ padobnym čynam na abvinavačvańni ŭ adras Uładzimira Pucina. Tady ŭ hutarcy ź im viadučy MSNBC zajaviŭ, što Pucin «zabivaje žurnalistaŭ, jakija ź im niazhodnyja». Miljarder adkazaŭ: «Ja dumaju, što naša kraina taksama šmat kaho zabivaje».
Intervju Donalda Trampa telekanału Fox News budzie pakazana ŭ noč na 6 lutaha
