Pieramožca biełaruskaha adboru na «Jeŭrabačańnie-2017» Navi vystupiŭ učora va ŭkrainskaj stalicy padčas pieršaha paŭfinału adboru na konkurs. «Jeŭrabačańnie-2017» projdzie ŭ mai ŭ Kijevie.
Navi praśpiavali svaju pieśniu, prysutnyja vitali jaje vokličam «Žyvie Biełaruś!». Zatym Navi paviedamili, što prezientujuć na biełaruskaj chit «1944», ź jakim Džamała pieramahła na «Jeŭrabačańni» ŭ minułym hodzie.
Pierakład pieśni Džamały zrabiŭ Mikita Najdzionaŭ.
Navi vykanali pieśniu pa-biełarusku, a Džamała, što była ŭ žury, rasčuliłasia i horača padziakavała biełarusam. «Mnie duža pryjemna», — skazała jana.
Zała vitała biełarusaŭ avacyjami. Staršynia žury Kanstancin Mieładze zajaviŭ, što budzie ŭ mai hałasavać za biełarusaŭ. Biełarusy vystupiać u druhim paŭfinale, i akurat Ukraina moža hałasavać za ich.