Apielacyjny sud u ZŠA adchiliŭ zapyt administracyi prezidenta Donalda Trampa nieadkładna adnavić dziejańnie imihracyjnaha ukazu, jaki zabaraniaje ŭjezd u krainu hramadzianam siami pieravažna musulmanskich krain, piša Bi-bi-si.
Demanstracyja pratestu 4 lutaha ŭ Vašynhtonie, AP
Sud taksama daŭ administracyi termin da viečara ŭ paniadziełak pradstavić svaje piarečańni nakont hetaha rašeńnia.
Rašeńnie prypynić dziejańnie ŭkazu było pryniata fiederalnym sudom u Sietle 4 lutaha. Sudździa rastłumačyŭ, što ŭkaz nie budzie mieć siły da taho času, pakul nie budzie razhledžany pazoŭ ab jaho admienie, padadzieny prakuraturaj štata Vašynhton.
Adrazu paśla hetaha amierykanskija vizavyja orhany pačali adnaŭlać vizy, anulavanyja z-za novaha ŭkaza.
Usiaho z momantu vydańnia ŭkaza byli anulavanyja kala 100 tysiač užo vydadzienych amierykanskich viz.
Ukaz ab spynieńni pryjomu biežancaŭ i vydačy vizaŭ hramadzianam siami dziaržaŭ, nasielenych pieravažna musulmanami, byŭ padpisany prezidentam ZŠA Donaldam Trampam 27 studzienia.
Ukazam dla hramadzian Sudana, Jemiena, Livii, Samali, Iraka, Irana i Siryi uviedzieny 90-dzionny zabarona na ŭjezd u Złučanyja Štaty. Taksama spynieny na niavyznačany termin pryjom siryjskich biežancaŭ. Prahrama pryjomu biežancaŭ ź inšych krain zamarožana na 120 dzion.
