Kitajskija ŭładalniki «Intera» prapanavali trenieru «Čełsi» Antonia Konte zarobak €15 młn za siezon. Miłanski kłub hatovy zaklučyć ź italjancam čatyrochhadovy kantrakt, piša rbc.ru.
«Inter» maje namier padpisać kantrakt z Konte pa zakančeńni hetaha siezona. Kali Konte daść zhodu, jon atrymaje na nabyćcio patrebnych jamu futbalistaŭ €400 młn.
Kitajskaja kampanija Suning Commerce Group nabyła «Inter» u Eryka Tachira i Masima Maraci ŭ minułym hodzie. Pieršym trenieram pry novych uładalnikaŭ staŭ Frank de Bur, adnak hałandziec byŭ zvolnieny praz try miesiacy paśla pryznačeńnia.
Ciapier kamandaj kiruje Stefana Pioli. Pry im kamanda vyjhrała dzieviać matčaŭ zapar i padniałasia na čaćviortaje miesca ŭ čempijanacie, adnak pakul uładalniki kłuba nie hatovyja prapanavać jamu novy kantrakt na nastupny siezon.
Antonia Konte ŭ dadzieny momant kiruje «Čełsi». Pad jaho kiraŭnictvam kamanda idzie na pieršym miescy, apiaredžvajučy «Totenchem» na dzieviać ačkoŭ za 14 turaŭ da kanca čempijanatu. Raniej Konte pracavaŭ z «Bary», «Atałantaj», «Sijenaj», «Juvientusam» i zbornaj Italii. Z «Juvientusam» jon trojčy staŭ čempijonam Italii i dvojčy vyjhraŭ Supierkubak.