Administracyja ZŠA zaniepakojenaja situacyjaj na ŭschodzie Ukrainy, zajaviŭ vice-prezident hetaj krainy Majk Piens. «My ŭstryvožanyja uzmacnieńniem vajennych dziejańniaŭ», — ukazaŭ jon u efiry amierykanskaj telekampanii ABC News u niadzielu, 5 lutaha, piša Dw.de.
AP
Pavodle jaho słoŭ, tema ŭkrainskaha kanfliktu abmiarkoŭvałasia padčas praviedzienaj tydzień tamu telefonnaj razmovy prezidentaŭ ZŠA i RF Donalda Trampa i Uładzimira Pucina, choć jana nie była zhadanaja ŭ aficyjnaj zajavie Biełaha doma. Hetyja pieramovy buduć praciahnutyja, paabiacaŭ Piens.
Adnačasova vice-prezident nie vyklučyŭ admieny amierykanskich sankcyjaŭ suprać Maskvy. Hetaje pytańnie budzie vyrašana ŭ bližejšyja miesiacy, adznačyŭ jon.
Pavodle jaho słoŭ, usio budzie zaležać ad taho, ci pabačyć Vašynhton pieramieny ŭ pazicyi rasijskaha kiraŭnictva, a taksama mahčymaści supracoŭnictva pry vyrašeńni hłabalnych prablem, u pryvatnaści, baraćby suprać isłamskaha teraryzmu.
