Amal dva miesiacy Minabarony Rasii nie davała adkazu na aficyjny zapyt rasijskich žurnalistaŭ, čamu ŭ 2017 h. Ministerstva abarony RF zamoviła 4162 vahony dla pieravozak vojskaŭ i vajskovych hruzaŭ pa Biełarusi.
defence.ru
Atrymlivałasia, što heta było ŭ šmat razoŭ bolej, čym papiarednie ahučanyja źviestki za inšyja hady, kali pravodzilisia sumiesnyja rasijska-biełaruskija vučeńni.
«Abjem vajskovych čyhunačnych pieravozak 2017 hoda paraŭnalny z abjomam pieravozak padčas praviedzienych na terytoryi Biełarusi vučeńniaŭ papiarednich hadoŭ: «Zachad-2009 — bolš za 6 tysiač vahonaŭ, «Zachad-2013» — amal 2,5 tysiačy vahonaŭ», — havorycca ŭ adkazie Minabarony RF.
Viedamstva ŭdakładniła, što zamoŭlenyja «kala 4000 vahonaŭ» — pieravozki ŭ abodva baki: 2000 vahonaŭ iduć u rajon praviadzieńnia vučeńniaŭ, 2000 — u advarotny bok.
Rezki rost rasijskich vajskovych pastavak u Biełaruś vyklikaŭ zrazumiełuju zaniepakojenaść u presie, zhodna ź mierkavańniem jakoj heta moža aznačać razhortvańnie ŭ Biełarusi bujnoj rasijskaj hrupiroŭki dla ahresiŭnych dziejańniaŭ suprać Biełarusi, Ukrainy ci navat krain Bałtyi.
Biełaruskija ekśpierty vykazvali roznyja mierkavańni z nahody vučeńniaŭ.
«Svoj adkaz Ministerstva abarony RF pisała 55 dzion. Hety ŭzor unušalnych štabnych farmulirovak utrymlivaje ŭsiaho čatyry skazy… Ja mahu tolki hadać pra toje, jak naš zapyt ruchaŭsia ŭ nietrach vajskovaha viedamstva», — adznačyŭ žurnalist rasijskaj «Novoj haziety».
Vučeńni «Zachad-2017» adbuducca vosieńniu 2017 hoda, i, jak čakajecca, buduć vielmi vialikimi pa maštabach - mohuć pieraŭzychodzić vučeńni «Kaŭkaz-2016», u jakich udzielničali 125 000 vajskoŭcaŭ i 97 tysiač rezervistaŭ, pisała raniej rasijskaje «Niezavisimoje vojennoje obozrienije».
