26 lutaha, da dnia naradžeńnia narodnaha paeta Biełarusi Ryhora Baradulina (naradziŭsia 24 lutaha 1935 hoda), u Pałacy kultury vieteranaŭ (vuł. Janki Kupały, 21) adbudziecca vialiki kancert i prezientacyja CD-dysku novaha supolnaha prajektu biełaruskich muzykaŭ «Pieśni matčyny z Ušaččyny».

U biełaruskaj muzyčnaj prastory ŭžo skłałasia tradycyja stvareńnia supolnych muzyčnych prajektaŭ. Usie my viedajem cudoŭnyja pieśni z albomaŭ «Ja naradziŭsia tut», «Śviaty viečar», «Narodny albom».

Novym prajektam, jaki praciahvaje tradycyju sumiesnaj tvorčaści biełaruskich muzykaŭ, stała składanka «Pieśni matčyny z Ušaččyny».

Hety prajekt abjadnaŭ muzykaŭ vakoł asoby Ryhora Baradulina — narodnaha paeta Biełarusi. «Pieśni matčyny z Ušaččyny» — pieraasensavańnie i adnaŭleńnie vušackich piesień, jakija Ryhoru Baradulinu ŭ dziacinstvie śpiavała jaho maci. Hetyja pieśni natchniali i supravadžali paeta ŭsio žyćcio.

U prajekcie voźmuć udzieł hurty «Re1ikt», «Vuraj»«Harmonic Style Project»«Varhan»Irena Katvickaja, Viera Sałamonik i Iłona Leś, chor «Salutarys»Viktar Siamaška, Michaś Skobła.

Hrošy na zapis dysku i padrychtoŭku kancertnaj prezientacyi źbiralisia z dapamohaj kraŭdfandynhavaha prajekta na Talaka.by. Karystalniki płatformy aktyŭna padtrymali ideju, i prajekt sabraŭ 85% ad nieabchodnaj sumy (2750 biełaruskich rubloŭ).

Internet-prezientacyja novaha supolnaha muzyčnaha prajektu «Pieśni matčyny z Ušaččyny» adbudziecca za tydzień da kancertu. Na mierapryjemstvie 26 lutaha sponsary prajektu zmohuć atrymać CD-dyski, a naviedniki — pačuć pieśni nažyva i nabyć składanku.

Zbornik «Pieśni matčyny z Vušaččyny» — vydatny pravadnik pa rodnaj dla paeta Vušaččynie. Tut jość abradavyja pieśni, napieŭki, śmiašynki-kazytuški: ščymlivyja i hullivyja, daścipnyja i kałarytnyja, ścipłyja i skaromnyja.

Pasłuchajcie premjeru pieršaj pieśni prajektu z nazvaj «Oj, latała». Heta narodny śpieŭ z Ušačaŭ, jaki vielmi lubiŭ Ryhor Baradulin i jaho maci Akulina Andrejeŭna. Pieśnia ŭ vykanańni hurtu «Vuraj» i vakalista hurta «Re1ikt» Uładzimira Kazłova zahučała ciapier u fołk-rok aranžyroŭcy.

26 lutaha, 19.00, Pałac kultury vieteranaŭ, (vuł. Janki Kupały, 21).

Košt kvitkoŭ: 14 i 18 rubloŭ. Punkty prodažu i kasy hladzicie na ByCard.by.

Kvitki taksama možna nabyć anłajn na ByCard.by.

Kantaktnyja telefony pa ŭsich pytańniach: +37529 5657218, +37529 6517898.

Sačyć za navinami kancerta možna praz supołki «UKantakcie» i na «Fejsbuku».

Клас
Панылы сорам
Ха-ха
Ого
Сумна
Абуральна