U redakcyju «Našaj Nivy» trapiła daručeńnie adnaho z abłvykankamaŭ krainy, adrasavanaje ŭstanovam achovy zdaroŭja.
U im havorycca, što za srodki dadzienaj vobłaści (ale takija daručeńni vydajucca paŭsiul, tamu my vyrašyli nie vykryvać našyja krynicy) Čyrvony Kryž letaś achapiŭ roznymi vidami dapamohi kala 2800 čałaviek ź liku małazabiaśpiečanych, invalidaŭ, chvorych i hd.
Sychodziačy z hetaha, abłasnoje ŭpraŭleńnie achovy zdaroŭja «prosić» arhanizavać va ŭsich profilnych ustanovach zbor srodkaŭ u pamiery 1% ad zarpłaty z usich 100% supracoŭnikaŭ na padtrymku Čyrvonaha Kryža.
Viadoma, što pra vyniki zboru srodkaŭ kožnaja balnica ci paliklinika musić dać spravazdaču.
Jano-ta pravilna — tałakoj dapamahać słabym i nieabaronienym. Ale čamu z-pad pałki? Jak vynikaje sa statutu arhanizacyi, Čyrvony Kryž žyvie tolki za DOBRAACHVOTNYJA ŭnioski siabroŭ i hranty.
«U pastanovie napisana «prosim», uvaha. Kali nie prasić, to nichto ničoha nie daść. Takim čynam prosiać kaleh aktyvizavacca, uspomnić pra Čyrvony Kryž. Bo heta miedycynskaja tema, usio adno, choć jany i zajmajucca hramadskaj dziejnaściu, a nie lačebnaj. Pišacca list z nahadvańniem pavažanym kaleham zrabić unioski. Usie 100% nie achviarujuć nikoli, heta pa žadańni. Hetaksama, jak i prafsajuzy ŭ inšych śfierach», — prakamientavali «Našaj Nivie» dakumient va ŭpraŭleńni achovy zdaroŭja Minabłvykankama.
U samim Čyrvonym Kryžy skazali, što dziaržava časam sadziejničaje ich dziejnaści, ale «hvałtam ničoha nie robicca».
«Heta tolki prapanujecca zrabić unioski. Kali dziaržava nam ŭ dadzienym vypadku akaža dapamohu, to ničoha kiepskaha ŭ hetym niama», — skazaŭ pieršy namieśnik hienieralnaha sakratara Biełaruskaha Čyrvonaha Kryža Viktar Kałbanaŭ.
