Z 9 pa 15 lutaha 2017 u kinateatry «Mir» u ramkach prajekta Cinemascope — novaja dakumientalnaja stužka režysioraŭ Žaka Piarena i Žaka Kluzo, stvaralnikaŭ dakumientalnych błokbastaraŭ «Ptuški» i «Akijany». Film demanstrujecca ź biełaruskaj ahučkaj.

Pazakadravy tekst u filmie čytaje Uładzimir Trapianok — akcior, režysior, radyjoviadučy, zahadčyk adździeła navin kultury radyjo «Kultura». Uładzimir Trapianok — «hołas» minskaha mietro, jaki znajomy amal kožnamu: jon nahadvaje pra praviły pavodzinaŭ u mietrapalitenie.

Tysiaču hadoŭ tamu Jeŭropa była pakryta biaskoncymi lasami, dzie niepadzielna ŭładaryli zubry, lisy, vaŭki, łasi i aleni. Ich karaleŭstvam byŭ pieršabytny puščanski huščar, jaki siahaŭ praz uvieś kantynient i serca jakoha znachodziłasia ŭ Biełaviežskaj puščy — ciapier, badaj, adzinym jaho zachavanym frahmiencie. U hetym poŭnym tajamnic lesie razhortvajecca nievierahodnaja historyja samaj dzikaj i jašče niekranutaj čałaviečaj rukoj pryrody.

Film «Pory hoda» praciahvaje papularny pryrodaznaŭčy cykł režysioraŭ Žaka Piarena i Žaka Kluzo, raspačaty dakumientalnymi błokbastarami «Ptuški» i «Akijany». Na hety raz aŭtary zaprašajuć u niezvyčajny śviet reliktavaj puščy, kab vačyma jaje žycharoŭ pakazać nam historyju pryrody, našaha kantynienta i čałavieka ad lednikovaha pieryjadu da ciapierašniaha času.

Zachaplalnyja zdymki žyvioł, fienamienalnyja vobrazy pryrody i apovied pra ŭnikalnuju rolu Biełaviežskaj puščy jak adzinaha miesca, jakoje adlustroŭvaje charaktar lesu ŭ tym vyhladzie, u jakim jon isnavaŭ tysiačy hadoŭ tamu, — usio heta robić «Pory hoda» abaviazkovym dla prahladu kožnamu, chto žadaje atrymać niezabyŭnyja kiniematahrafičnyja ŭražanni i nadzvyčajny adukacyjny dośvied.

PORY HODA | Les Saisons

Francyja, 2015, dakumientalny, 97 chv., 12+

Režysiory: Žak Piaren, Žak Kluzo

U rolach: aleń, zubr, miadźviedź, voŭk, sava, dzik i inšyja.

Raskład sieansaŭ:

9 lutaha (čc) 18:40

10 lutaha (pt) 19:10

11 lutaha (sb) 12:00, 14:50

12 lutaha (nd) 12:00, 14:50

13 lutaha (pn) 19:10

14 lutaha (aŭ) 17:00

15 lutaha (sr) 19:20

Košt kvitka: 4,5 r.

Kvitki možna nabyć u kasie kinateatra i anłajn na sajcie.

Kinateatr «Mir»: h. Minsk, vuł. Kazłova, 4a (st. m. Pł. Pieramohi)

Padrabiaznasci na Facebook

Клас
Панылы сорам
Ха-ха
Ого
Сумна
Абуральна