Ambasady ZŠA mohuć abaviazać zamiežnych hramadzian, jakija padajuć zajavu na atrymańnie vizy, pradastaŭlać paroli ad akaŭntaŭ u sacyjalnych sietkach, paviedamiŭ ministr unutranaj biaśpieki krainy Džon Kieli.

Pavodle jaho słoŭ, hetaja miera moža być pryniataja ŭ ramkach płana pa ŭzmacnieńni žorstkaści pravierak zamiežnikaŭ, jakija mohuć ujaŭlać pahrozu dla biaśpieki ZŠA, piša VVS.

Heta pavinna zakranuć pierš za ŭsio siem krain ź pieravažna musulmanskim nasielnictvam, hramadzianam jakich byŭ zabaronieny ŭjezd u krainu pavodle mihracyjnaha ŭkaza prezidenta Donalda Trampa. Fiederalny sudździa Sietła nakłaŭ zabaronu na vykanańnie hetaha ŭkaza.

«Vielmi składana pa-sapraŭdnamu pravieryć ludziej z hetych krain… Ale kali jany ŭjazdžajuć, to my pavinny viedać, jakija internet-sajty jany naviedvajuć, i atrymać ich paroli. Takim čynam, my ŭbačym, što jany robiać u siecivie», — rastłumačyŭ Kieli, vystupajučy na słuchańniach u kamitecie pa ŭnutranaj biaśpiecy pałaty pradstaŭnikoŭ ZŠA.

Pa słovach ministra, kali zajaŭniki nie chočuć supracoŭničać z uładami ZŠA, to jany nie buduć mieć prava ŭjazdžać u krainu.

Pry hetym Kieli padkreśliŭ, što pakul nijakich rašeńniaŭ pa hetym pytańni nie pryniata.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?