Sacyjalnaja sietka Facebook pašyraje mahčymaści servisu Safety Check, jaki aŭtamatyčna aktyvujecca ŭ vypadku kryzisnych situacyj. Ciapier u im budzie dastupnaja opcyja Community Help (dapamoha supolnaści), jakaja dapamoža arhanizavać uzajemadapamohu padčas stychijnych biedstvaŭ, piša VVS.

Facebook

Facebook

Kožny karystalnik Facebook, jaki apynuŭsia ŭ rajonie, u jakim aŭtamatyčna aktyvujecca opcyja Safety Check (jana zapuskajecca ŭ vypadku, kali z adnaho miesca pastupaje šmat paviedamleńniaŭ ab jakim-niebudź biedstvie abo bujnym zdareńni), zmoža prapanavać navakolnym abo paprasić u ich ježu, pitvo, prytułak, abo mahčymaść skarystacca transpartam.

Dla zručnaści adpaviednaja staronka Facebook źmiaščaje katehoryi dapamohi. Tam taksama źmiaščajucca raździeły «ježa dla žyvioł», «dziciačyja rečy», «adzieńnie».

Akramia taho, Community Help dapamoža ŭ pošuku ludziej u zonie biedstva i zabiaśpiečyć suviaź ź imi.

Na pačatku Community Help budzie pracavać u testavym režymie tolki va ŭmovach pryrodnych katastrof i tolki ŭ ZŠA, Kanadzie, Aŭstralii, Novaj Ziełandyi, Indyi i Saudaŭskaj Aravii.

Zatym pa vynikach testavaha pieryjadu ŭsie zaŭvažanyja niedachopy buduć vypraŭlenyja, i jana budzie dastupnaja dla ŭsich krain i dla ŭsich kryzisnych situacyj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?