Śpiecyjalisty Raśsielhasnahlada zajavili, što biełaruski bok nie zabiaśpiečvaje patrebnaha vieterynarnaha kantrolu. Va ŭviezienaj u Rasiju jałavičynie ŭvieś čas vyjaŭlajucca niebiaśpiečnyja mikraarhanizmy, śćviardžajuć u viedamstvie.

rbc.ru

rbc.ru

Kali ŭ Minsku nie prymuć ekstranych mier dla ŭzmacnieńnia kantrolu nad jakaściu pradukcyi, jakaja pastaŭlajecca ŭ Rasiju, Raśsielhasnahlad moža abmiežavać impart jałavičyny z usioj terytoryi Biełarusi. Padstavy dla ŭviadzieńnia takich abmiežavańniaŭ u rasijskaha viedamstva jość, paviedamili ŭ adździele łabaratornaha kantrolu Raśsielhasnahlada.

«Analiz pradukcyi kaža pra toje, što jałavičyna, jakaja nakiroŭvajecca ź Biełarusi, nie padviarhajecca dastatkovamu vieterynarnamu kantrolu, u joj pastajanna vyjaŭlajucca listeryi», — rastłumačyŭ pradstaŭnik viedamstva.

Pradstaŭnik pres-słužby Raśsielhasnahlada paćvierdziŭ RBK najaŭnaść pretenzij da pradukcyi, jakaja pastaŭlajecca ź Biełarusi.

Pa słovach surazmoŭcy RBK ŭ słužbie, u studzieni 2017 hoda byli spynieny sproby ŭvozu bolš za 40 partyj małočnaj i miasnoj pradukcyi biełaruskaha pachodžańnia, jakaja nie adpaviadaje patrabavańniam techničnych rehłamientaŭ i vieterynarnych praviłaŭ JEAES. Pry hetym asnoŭnyja parušeńni vyjaŭleny ŭ pradpryjemstvaŭ, raźmieščanych u Minskaj, Viciebskaj i Homielskaj abłaściach. «Heta śviedčyć ab sistemnych niedapracoŭkach strukturnych padraździaleńniaŭ abłasnych vieterynarnych słužbaŭ Respubliki Biełaruś, a taksama ab praktycy adhruzak u Rasiju pradukcyi biez ažyćciaŭleńnia fizičnaha kantrolu vieterynarnym doktaram», — udakładnili ŭ Raśsielhasnahladzie.

Raniej Rasija abmiežavała pastaŭki jałavičyny ź Minskaj vobłaści.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?