Prezident Azierbajdžana Ilcham Alijeŭ padziakavaŭ Alaksandru Łukašenku ŭ suviazi z ekstradycyjaj u Baku rasijskaha błohiera Alaksandra Łapšyna. Pra źmiest telefonnaj razmovy dvuch lidaraŭ paviedamlajecca na sajcie kiraŭnika Azierbajdžana.

Błohiera ŭ kajdankach viečaram u aŭtorak etapavali ź Minska ŭ Baku

Błohiera ŭ kajdankach viečaram u aŭtorak etapavali ź Minska ŭ Baku

«Ilcham Alijeŭ padziakavaŭ prezidentu Biełarusi Alaksandru Łukašenki i biełaruskamu boku za demanstracyju spraviadlivaj pazicyi i ekstradycyju ŭ Baku błohiera Alaksandra Łapšyna», - adznačaje pres-słužba azierbajdžanskaha lidara.

Dadzieny krok rasceńvajecca jak «prajava azierbajdžana-biełaruskaj družby» i «zachavańnie viaršenstva zakona i mižnarodnych kanviencyj», padkreślivajecca ŭ paviedamleńni.

Łapšyna ekstradavali ŭ Azierbajdžan u aŭtorak, 7 lutaha. Pa prylocie ŭ Baku jon byŭ etapavany ŭ śledčy izalatar № 1 Miniusta krainy.

Baku abvinavačvaje błohiera, jaki źjaŭlajecca hramadzianinam Izraila, Rasii i Ukrainy, u niezakonnym ŭjeździe ŭ Azierbajdžan pa ŭkrainskim pašparcie. U 2013 hodzie błohier byŭ uniesieny ŭ čorny śpis asobaŭ, jakim zabaronieny ŭjezd u krainu ŭ suviazi z naviedvańniem niepryznanaj Nahorna-Karabachskaj Respubliki, adnak u červieni 2015 hoda Łapšyn naviedaŭ Azierbajdžan.

U Azierbajdžanie jamu pahražaje da vaśmi hadoŭ pazbaŭleńnia voli.

***

Alaksandra Łapšyna zatrymali ŭ Minsku ŭ noč na 15 śniežnia 2016 hoda pa zapycie Azierbajdžana. 17 studzienia namieśnik hienprakurora Biełarusi Alaksiej Stuk pastanaviŭ ekstradavać błohiera ŭ Azierbajdžan.

7 lutaha Viarchoŭny sud, u jakim błohier abskardziŭ dadzienaje rašeńnie, pakinuŭ jaho ŭ sile. Za zatrymanaha zastupiŭsia Izrail, adna z krain hramadzianstva Łapšyna. Rasija taksama vykazałasia suprać ekstradycyi Łapšyna ŭ Azierbajdžan.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?