Emisijnaje drukavańnie hrošaj — nie bolš čym minuły etap u historyi ekanamičnaha raźvićcia ŭ Biełarusi. Ab hetym pa vynikach narady ŭ kiraŭnika dziaržavy pa aktualnych pytańniach raźvićcia ekanomiki zajaviŭ žurnalistam premjer-ministr Andrej Kabiakoŭ.

«Usie sychodzilisia ŭ tym, što nijakaha drukavańnia emisijnych hrošaj ni ŭ jakim razie być nie pavinna. Heta ŭžo minuły peŭny etap u historyi, nie bolš za toje. Usie raźvićcio pavinna adbyvacca na zdarovaj ekanamična vyvieranaj asnovie. Sprečka była tolki ŭ tym, chutčej abo pavolniej ažyćciaŭlać tyja ci inšyja źmieny paramietraŭ, jakija charaktaryzujuć hrašova-kredytnuju palityku», — zajaviŭ premjer-ministr.

Pavodle jaho słoŭ, u dakładach ŭrada, Nacbanka, ekśpiertaŭ, jakija prysutničali na naradzie, adznačałasia, što tendencyja pa zamacavańni pazicyj, źviazanych z makraekanamičnaj stabilizacyjaj, adčuvajecca samym realnym čynam.

Šerah ekśpiertaŭ vykazvali mierkavańnie pra toje, što treba imknucca chutčej nablizić staŭki pa znoŭ vydanych kredytach dla realnaha siektara ekanomiki da dasiahnutych paramietraŭ inflacyi. «Na hety kont jość racyja ŭ druhoj hrupy ekśpiertaŭ, jakija ličać, što pavinny sfarmavacca nie tolki pieradumovy, źviazanyja ź inflacyjaj, a i pa inšych paramietrach, ad jakich zaležać pracentnyja staŭki pa kredytach», — skazaŭ Andrej Kabiakoŭ.

«Tamu była pryniataja ahulnaja pazicyja, što pa miery paśpiavańnia pieradumoŭ, jakija buduć dazvalać pravodzić adekvatnaje źnižeńnie, budzie pravodzicca adpaviednaja hrašova-kredytnaja palityka», — zajaviŭ premjer-ministr.

* * *

Tut.by: Prakapovič zaklikaŭ Łukašenku znoŭ uklučyć stanok

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?