Namieśnik kiraŭnika Libieralna-demakratyčnaj partyi Aleh Hajdukievič u svaim fejsbuku źmiaściŭ pazicyju arhanizacyi adnosna budaŭnictva ŭ Kurapatach.
«Situacyja vakoł supracivu zabudoŭščykam kala ŭročyšča Kurapaty vyjšła za miežy intaresaŭ hrupy ludziej. I tut paŭtarajecca situacyja, pra jakuju my havorym nie raz, i nie dva! Ułady znoŭ praspali narodny pratest, na hety raz havorym pra Minharvykankam. A z Kurapaty vielmi zrazumiełaja situacyja.
Uročyšča daŭno viadoma svaimi pachavańniami, jašče ŭ časy budaŭnictva MKAD u siamidziesiatych praŭda vyjšła vonki. Davajcie nie budziem raźbiracca, chto mienavita tam pachavany: u lubym vypadku, u Kurapatach spačyvajuć tysiačy achviaraŭ balšavickaha teroru. Patrabujem rasśledavańnia kampietentnych dziaržorhanaŭ, jak byŭ atrymany dazvoł na budaŭnictva kala miesca, dzie lažyć prach tysiač, kali nie dziasiatkaŭ tysiač.
U nas što, miesca ŭ Minsku mała? ŁDPB patrabuje spynić budoŭlu i stvaryć miemaryjał, tam ža arhanizavać muziej pamiaci represavanych. My — jeŭrapiejskaja kraina i pavinny uviekaviečyć pamiać zahinułych u cyvilizavanym farmacie. Libieralna-demakratyčnaja partyja nastojvaje: budaŭnictva pavinna być nieadkładna zamarožana, Minharvykankam pavinien pravieści vyvučeńnie pytańnia, jak i na padstavie čaho źjaviŭsia dazvoł na budaŭnictva ŭ hetym miescy. Biełaruś paciarpieła ad represij bolš za mnohija inšyja respubliki. Dyk davajcie žyć i stavicca da sumnych staronkach našaj historyi pa-čałaviečy», — havorycca ŭ zajavie ŁDPB.
