Čamu «krasnym» u Biełarusi nazyvali zialony koler, čamu čorny nam nie strašny i ŭ jaki koler pafarbavać ścieny, kab adčuvać supakoj? Michał Aniempadystaŭ moža adkazać.

Źleva naprava: Michał Aniempadystaŭ, Taćciana Vadałažskaja, kiraŭnik Sajuza dyzajnieraŭ Źmicier Surski, piśmieńnik Maksim Klimkovič.

Źleva naprava: Michał Aniempadystaŭ, Taćciana Vadałažskaja, kiraŭnik Sajuza dyzajnieraŭ Źmicier Surski, piśmieńnik Maksim Klimkovič.

28 lutaha adkryłasia vystava mastaka, fatohrafa i dyzajniera (a niekatorym jon viadomy jašče jak paet i aŭtar «Narodnaha alboma») Michała Aniempadystava.

«Koler Biełarusi» — heta vizualnaja častka jaho adnajmiennaj knihi, jakaja maje źjavicca ŭ prodažy ŭ bližejšy miesiac.

Vystavu pryniała halereja Biełaruskaha sajuzu dyzajnieraŭ.

I ci možna było prydumać lepš — šeryja ścieny halerei idealna pasujuć zdymkam Aniempadystava. Adzinaje tolki — dla takich prezientacyj halereja zaciesnaja: 40 čałaviek, jakija zavitali na adkryćcio, — heta byŭ maksimum dla pamiaškańnia.

«Ciapier vielmi papularnyja hajdy kštałtu «Jak pačać raźbiracca ŭ mastactvie». Ale nas zusim nie vučać raźbiracca ŭ kultury, — kazała va ŭstupnym słovie natchnialnica vystavy Taćciana Vadałažskaja, arhanizatarka lekcyj Aniempadystava ŭ «Latučym univiersitecie». — Ličycca, što kali ty ŭ hetaj kultury naradziŭsia, to nie maješ patreby ŭ takim tłumačeńni. Moža, niejkim kulturam heta i nie treba tłumačyć, ale nam treba. I Michał tłumačyć».

Taksama Vadałažskaja adznačyła, što z samaj pieršaj publičnaj lekcyi Aniempadystava maryła, kab Michał stvaryŭ knihu pra kulturu biełaruskich koleraŭ. Prajšło ŭsiaho piać hadoŭ — i voś mara spraŭdziłasia, śmiajecca Taćciana.

Sam Michał Aniempadystaŭ u pramovie byŭ ścipły i ścisły.

Najpierš padziakavaŭ nastaŭniku — Leninie Mikałajeŭnie Mironavaj, prafiesarcy Akademii mastactvaŭ, aŭtarcy pieršaha savieckaha padručnika pa kałarystycy. Jana taksama prysutničała na adkryćci vystavy svajho vučnia. «U adnym momancie ja z Vami nie pahadziŭsia, — źviarnuŭsia Aniempadystaŭ da vykładčycy, — ale ja staŭ šukać svoj adkaz, i z hetaj niazhody, z maich pošukaŭ vyrasła hetaja vystava».

Što ž vystaviŭ Aniempadystaŭ? Heta sieryja fotazdymkaŭ abjektaŭ pryrody i kultury, u jakich daminuje peŭny koler.

Fota zhrupavanyja ŭ siektary: bežavy, zialony, sini, žoŭty, čyrvony i bieła-čorna-šeraja hama. Zdymki biez podpisaŭ — kab adyści ad vierbalnaha ŭsprymańnia śvietu i zanurycca ŭ vizualnaje, kaža mastak.

Aniempadystaŭ adznačyŭ, što na vystavie pradstaŭlenyja doŭhatryvałyja kolery: jany nie zaležać ad mody i daminavali na našaj ziamli stahodździami i tysiačahodździami.

Kab vyjavić ich i zrazumieć ich značeńnie, Aniempadystaŭ daśledavaŭ kultury i narody, jakija žyli na terytoryi Biełarusi ciaham usioj historyi. Samaje cikavaje, śmiajecca jon, — u samych hłybiniach, u dapiśmiennym hramadstvie. Kolery mohuć stać pravadnikom u toje minułaje, pra jakoje my nie viedajem zusim ničoha.

U bližejšyja tydni arhanizatary abiacajuć lekcyju Aniempadystava pra biełaruskija kolery i aŭtarskija ekskursii pa vystavie. Sačycie za navinami na staroncy vystavy ŭ fejsbuku.

Vystavu možna pabačyć da 14 sakavika ŭ halerei Sajuza dyzajnieraŭ (Bryleŭskaja, 14) ad 10:00 da 18:00.

Uvachod u halereju — z dvara.

Jak dabracca:

 da prypynku «vuł. Čkałava»: aŭtobus 100, 4, 45, 53, 111,

da prypynku «vuł. Karatkieviča»: tralejbus 11, 19, 27, 43, 51, 59, aŭtobus 40, 73,

pieški ad mietro «Instytut kultury» praz most nad čyhunkaj.

Zabłukali? Śmieła telefanujcie, kažuć arhanizatary: +375447424832.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?