Urad Hiermanii ŭchvaliŭ zakonaprajekt, u adpaviednaści ź jakim buduć admienienyja prysudy za homaseksualizm 50 tysiačam mužčyn, paviedamlaje VVS.

Usie hetyja ludzi byli asudžanyja pa zakonie, pryniatym jašče ŭ XIX-m stahodździ. «Parahraf 175», jaki ŭstupiŭ u siłu 15 maja 1871 hoda, pieražyŭ źmienu niekalkich palityčnych režymaŭ: zakon byŭ zrobleny značna bolš žorstkim nacystami i paśla ŭ niaźmiennym vyhladzie uspadkavany kryminalnymi kodeksami abiedźviuch paślavajennych Hiermanij.

Usiaho ŭ Trecim rejchu pa abvinavačvańni ŭ «nienaturalnaj raspuście» pamiž mužčynami było asudžana kala 50 tysiač čałaviek. Pry hetym sam tekst zakona nie pakazvaŭ ni minimalnych, ni maksimalnych terminaŭ pakarańnia, pakidajučy prava vyznačyć heta sudździ.

Prajekt novaha zakona praduhledžvaje vypłatu kampiensacyj asudžanym jak za sam fakt prysudu, tak i za čas, praviedzieny imi ŭ źniavoleńni: 3 tysiačy jeŭra za prysud i 1500 jeŭra za kožny hod, praviedzieny ŭ turmie.

Novy zakonaprajekt pavinien prajści praceduru zaćviardžeńnia ŭ parłamiencie.

Pavodle niekatorych acenak, u krainie ciapier žyvuć 5 tysiač mužčyn, asudžanych pa hetym zakonie (admienieny jon byŭ u FRH i HDR u 60-ch hadach XX stahodździa).

31 studzienia hetaha hoda ŭ Vialikabrytanii ŭstupiŭ u siłu tak zvany «zakon Ćjurynha» — ab paśmiarotnym pamiłavańni mužčyn, jakija byli asudžanyja za homaseksualnyja adnosiny.

Zakon nazvany ŭ honar navukoŭca Ałana Ćjurynha, jaki ŭ 1952 hodzie byŭ asudžany za suviaź z mužčynami i nieŭzabavie pakončyŭ z saboj. Jon byŭ paśmiarotna pamiłavany karalevaj Lizavietaj II u 2013 hodzie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?