Hidramiet Biełarusi raspracavaŭ novyja formy prahnozu nadvorja, paviedamiŭ siońnia žurnalistam načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Dźmitryj Rabaŭ, pieradaje BIEŁTA.

«Apošnim časam u Hidramiecie była pravieziena vialikaja rabota i raspracavany novyja formy prahnozu nadvorja. U pieršuju čarhu raspracavany ekśpierymientalny vierahodnasny prahnoz apadkaŭ pa Minsku i abłasnych centrach. Jon adlustroŭvaje vierahodnaść vypadańnia peŭnaj kolkaści apadkaŭ na praciahu 12 hadzin u vyhladzie daždžu abo śniehu. My budziem pradastaŭlać prahnoz ab mahčymaj kolkaści apadkaŭ u milimietrach, što daść mahčymaść acanić, nakolki mocny doždž abo śniehapad čakajecca i da jakich nastupstvaŭ jon moža pryvieści», — skazaŭ Dźmitryj Rabaŭ.

Taksama ŭ Hidramiecie raspracavany bolš padrabiazny prahnoz nadvorja pa rajonnych centrach. «My možam sprahnazavać nie tolki tempieraturu, ale i kolkaść apadkaŭ, pryrost śniežnaha pokryva. Heta karysna dla MNS, ŽKH i dla nasielnictva ŭ cełym. U dalejšym uviadziom i vierahodnasny prahnoz nadvorja», — dadaŭ načalnik słužby hidramietearałahičnych prahnozaŭ.

Dźmitryj Rabaŭ adznačyŭ, što Hidramiet imkniecca adyści ad takich farmulovak, jak «časam», «miescami» i «ŭ asobnych rajonach». «My ŭviadziom u praktyku bolš detalizavany prahnoz nadvorja pa časie sutak, hieahrafičnych i administracyjnych terytoryjach krainy», — dadaŭ jon.

Клас
Панылы сорам
Ха-ха
Ого
Сумна
Абуральна