Urad prapanuje ŭvieści dadatkovy miechanizm kredytavańnia budaŭnictva žylla ź dziaržaŭnaj padtrymkaj, paviedamiŭ siońnia žurnalistam premjer-ministr Andrej Kabiakoŭ u čas naviedvańnia spartyŭnych abjektaŭ, jakija buduć zadziejničany pry praviadzieńni Jeŭrapiejskich hulniaŭ u 2019 hodzie ŭ Biełarusi.

Andrej Kabiakoŭ nahadaŭ, što ŭradam pryniata rašeńnie ab dadatkovym finansavańni žyllovaha budaŭnictva i adpaviednym pavieličeńni abjomu ŭvodu žylla ź dziaržaŭnaj padtrymkaj u 2017 hodzie. «Pryniata rašeńnie dabavić jašče Br50 młn ilhotnych kredytaŭ, jakija atrymajuć majučyja patrebu čarhaviki», - skazaŭ premjer-ministr. Heta daść mahčymaść uvieści dadatkova da 100 tys. kv.m žylla ź dziaržpadtrymkaj biez pavieličeńnia ahulnaha limitu dyrektyŭnaha kredytavańnia. Damy, na jakija dadatkova vydzielena Br50 młn, buduć budavacca va ŭsich abłaściach i horadzie Minsku, rastłumačyŭ kiraŭnik urada.

«Ale heta jašče nie kančatkovyja abjomy žylla, jakija buduć uvodzicca ŭ hetym hodzie. My rychtujem prajekt ukaza kiraŭnika dziaržavy i ŭ dadatak da dziejučaha ŭkaza numar 13, jaki vyznačaje praviły budaŭnictva žylla ź dziaržpadtrymkaj, prapanujem jašče adzin miechanizm, što daść mahčymaść kredytavać žyllo ź dziaržaŭnaj padtrymkaj, - raskazaŭ Andrej Kabiakoŭ. - Pry hetym padtrymka budzie akazvacca ŭžo nie bankam, kab jany źnižali pracenty pa kredytach, a niepasredna hramadzianam, jakija buduć budavać žyllo ź dziaržpadtrymkaj».

Premjer-ministr akcentavaŭ uvahu, što dziaržpadtrymka budzie zachavana, ale źmienicca schiema jaje pradastaŭleńnia. «Dla našych hramadzian heta budzie nie vielmi pryncypova, ale važnym budzie toje, što my zmožam uklučyć u finansavańnie budaŭnictva žylla ŭsiu bankaŭskuju sistemu krainy, a nie tolki Biełarusbank i Biełahraprambank, jakija na hety momant źjaŭlajucca apieratarami budaŭnictva žylla ź dziaržpadtrymkaj, - rastłumačyŭ Andrej Kabiakoŭ. - Takim čynam užo nie bank, a hramadzianin budzie atrymlivać hrošy, jakija dapamohuć zrabić tańniejšym budaŭnictva žylla dla kankretnaj siamji».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?