Pa mienšaj miery dvanaccać čałaviek paranienyja padčas incydentu na Viestminsterskim moście niepadalok ad budynka parłamienta Vialikabrytanii. Paźniej dvoje paciarpiełych pamierli, paviedamlaje VVS sa spasyłkaj na lekara łondanskaha špitala.

Getty

Pa słovach miedykaŭ, niekatoryja paciarpiełyja atrymali «katastrafičnyja ranieńni». Jak zajavili ŭ Skotłand-Jardzie, dakładnaja kolkaść paciarpiełych jašče ŭdakładniajecca.

Złačyniec na aŭtamabili źbiŭ na moście niekalki minakoŭ. Paśla hetaha jon udaryŭ nažom palicejskaha pobač z parłamientam i byŭ likvidavany. Palicyja razhladaje toje, što adbyłosia, jak terakt.

Brytanskija ŚMI sa spasyłkaj na krynicu ŭ palicyi paviedamlajuć, što złamyśnikaŭ mahło być dvoje, a incydenty na moście i la parłamienta — źviazanyja.

Getty

«Z usiaho vidać, mašyna prajechała pa Viestminsterskim moście, zajechała na tratuar, źbiŭšy niekalki čałaviek, dajechała da parłamienta, dzie jaje spyniŭ palicejski. Mužčyna, jaki znachodziŭsia ŭ mašynie, nanios palicejskamu nažavoje ranieńnie i byŭ zastreleny inšym palicyjantam. Nie vielmi zrazumieła, kolki ŭ mašynie było čałaviek — adzin ci dva. Adzin moh uciačy ŭ pracesie», — paviedamiŭ karespandent Sky News.

Praca parłamienta prypynienaja. Parłamientaryjam zabaranili pakidać budynak, jon ačepleny. Na miescy teraktu pracujuć sapiory. Palicyja nie vyklučaje, što ŭ mašynie znachodzicca vybuchovaja pryłada.

PA

Taksama začynienaja stancyja mietro «Vestminster» i niekalki vulic u centry horada. Rezidencyja brytanskaha premjer-ministra ačeplenaja palicyjaj, vychad ź jaje zabaronieny.

Клас
Панылы сорам
Ха-ха
Ого
Сумна
Абуральна