Telekanał ANT viečaram paviedamiŭ pra padrabiaznaści zatrymańnia adnaho z udzielnikaŭ «Biełaha lehijona». Razmova ŭ siužecie viałasia pra Viktara Daniłava.

«U kvatery ŭ zatrymanaha — karcina nieviadomaha mastaka. Na joj — chavajuć tvary ŭzbrojenyja ludzi ŭ kaskach, kamuflažnaj formie pobač z BTRam na fonie Doma ŭrada. Asablivaść karciny — kroŭ. U rečach Daniłava znajšli ściah anarchistaŭ. Maŭlaŭ, kalekcyjnaja reč. A jašče broniekamizelka, śpiecprynaležnaści dla ryštunku aŭtamatnych mahazinaŭ. A voś i bajavaja zbroja — try karabiny! Akramia ŭsiaho hetaha — pryviezienyja z Ukrainy ŭlotki. Adna ź ich — pamiatka dla ŭdzielnikaŭ dobraachvotnickich vajenizavanych farmavańniaŭ», — zaznačałasia ŭ siužecie.

Była pryviedziena taksama i «karotkaja daviedka» pra «Bieły lehijon».

«Padčas vuličnych akcyj 90-ch bajeviki «Biełaha lehijonu» byli «kułakami apazicyi». Jany praryvali kardony milicyi, ŭdzielničali ŭ biesparadkach razam z ukrainskimi radykałami z UNA-UNSO ŭ 1996-m, zakidvali milicyju kamianiami ŭ 1999-m. U «nulavych» «Bieły lehijon» abviaściŭ, što spyniaje dziejnaść. Adnak na samaj spravie jon tolki zaloh na dno, čakajučy svajho času. Uvieś hety čas jaho bajcy zajmalisia tym ža, čym i raniej: pravodzili treniroŭki ŭ lasach. Tolki ŭ presie padavałasia heta jak patryjatyčnyja łahiery, dzie dziaciej vučać «lubić radzimu», — było adznačana ŭ siužecie.

Клас
Панылы сорам
Ха-ха
Ого
Сумна
Абуральна