Zatrymany Vadzim Levan, kaardynatar Ruchu «Za Svabodu» pa Hrodzienskaj vobłaści. U jaho baćkoŭ prajšli vobšuki. Pra heta paviedamiła ŭ svaim fejsbuku Nastaśsia Hubarevič, žonka staršyni Ruchu Jurasia Hubareviča. 

Vobšuki prajšli ŭ Biarozaŭcy i Bierdaŭcy, pry ich prysutničała maci i baćka Vadzima, paviedamlaje sajt Pyx.by. Milicyjanty zacikavilisia papierami, jakija zachoŭvalisia ŭ baćkoŭ doma ŭ Bierdaŭcy.

«Milicyjanty kažuć, što šukajuć supraćzakonnaje i buduć izymać», — adznačyŭ Levan. Jon sam padjechaŭ u toj momant, kali milicyjanty ŭžo vynosili papiery z doma. U dvary doma prysutničali jak milicyjanty ŭ formie, tak i ŭ cyvilnym.

Jak patłumačyŭ milicyjant, jany pryjechali, bo susied paskardziŭsia, što ŭ hetym domie varać samahon, a pad čas «zakonnaha ahladu, z sankcyi prakurora» było znojdziena voś heta «niezrazumiełaje što».

Milicyjanty niekalki razoŭ mianiali rašeńnie nakont samoha Levana. U vyniku adzin ź ich zajaviŭ, što toj abaviazany prajechać ź im u RAUS, bo «jość taki artykuł jak supraciŭleńnie zakonnym patrabavańniam milicyi». «Pa jakich pryčynach vy mianie zabirajecie ŭ rajonny adździeł?» — zapytaŭsia Levan. «Dla vyśviatleńnia dalejšych abstavinaŭ, ustalavańnia adkul hetaja pradukcyja», — ćmiana adkazaŭ milicyjant.

Potym inšy milicyjant skazaŭ, što abłasnoha kaardynatara Ruchu zabirajuć u RAUS dla vyśviatleńnia asoby. Chacia, jak padkreśliŭ Levan, «ja mahu pakazać pašpart».

Pad čas kanfiskacyi dakumientaŭ paniatych nie było.

Na dadzieny momant telefon Levana nie dostupny. Jon znachodzicca ŭ Navahradskim RAUS.

Staršyniu Ruchu «Za Svabodu» Jurasia Hubareviča, nahadajem, sud Maładziečanskaha rajona pakaraŭ 11 sakavika aryštam na 15 sutak za arhanizacyju Maršu «Ja niedarmajed» u Maładziečnie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?