Alaksandr Łukašenka na sustrečy z dakładčykam pa Biełarusi kamisii pa palityčnych pytańniach i demakratyi Parłamienckaj asamblei Rady Jeŭropy (PARIE) Andrea Ryhoni zajaviŭ ab nieabchodnaści praciahu dyjałohu krainy ź jeŭrastrukturami.

«My pa ŭsich pytańniach, jakija ŭ vas vyklikajuć niespakoj i ŭ nas u Biełarusi, viadziom dyjałoh. Na siońniašni dzień my nie siadzim kožny za svaim płotam, a razmaŭlajem. Heta ŭžo vialikaja sprava. U dyjałohu, ja dumaju, naradžajecca iścina. Z časam hetaja iścina budzie i ŭ našych adnosinach», — skazaŭ Alaksandr Łukašenka.

«Vielmi važna, što vy razumiejecie, u jakoj situacyi znachodzicca Biełaruś siońnia i nakolki składana časam navat na pryncypach raźvitoj demakratyi Jeŭrapiejskaha sajuza ŭ Biełarusi dziejničać. Usio heta nie tak prosta», — adznačyŭ kiraŭnik dziaržavy.

Jon źviarnuŭ uvahu, što Jeŭropa va ŭmovach svajoj ciapierašniaj palityčnaj sistemy žyvie ŭžo niekalki stahodździaŭ. «A my jašče zanadta maładyja, kab pracavać na vašym uzroŭni. Treba razumieć, što ŭ kožnaj dziaržavy jość svaja śpiecyfika, tamu ŭsialakija pytańni palityki, dypłamatyi, demakratyi treba ŭsio ž taki pierałamlać praz tuju śpiecyfiku, u jakoj znachodzicca taja ci inšaja dziaržava, u tym liku naša», — pierakanany biełaruski lidar.

Alaksandr Łukašenka padziakavaŭ Andrea Ryhoni za kanstruktyŭnuju pazicyju ŭ dačynieńni da Biełarusi i jaho imknieńnie ŭnieści pazityŭ u raźvićcio ŭzajemadziejańnia Biełarusi ź jeŭrapiejskimi strukturami. «Takich palitykaŭ siońnia mała. Kožny pieraśleduje niejkija mety. Vy pieraśledujecie vysakarodnuju metu. Vy spryjajecie zbližeńniu pazicyj navat samych antahanistyčnych sił, — padkreśliŭ kiraŭnik dziaržavy.— Niahledziačy na roznahałośsi pa peŭnych palityčnych pytańniach, jakija isnujuć pamiž nami i Jeŭrasajuzam, usie-taki vy imknulisia nadać našym adnosinam pazityŭnuju dynamiku. Za heta ja vam udziačny».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?