Upraŭleńnie pa baraćbie z ekanamičnymi złačynstvami Kryminalnaj palicyi Łatvii rasśleduje kryminalnyja spravy ŭ dačynieńni da niekalkich hramadzianaŭ Biełarusi, siarod jakich — Uładzimir i Kaźbiek Japryncavy, a taksama inšyja asoby, jakija prachodzili pa niadaŭnim pracesie ŭ Minsku. Hetuju infarmacyju TUT.BY paćvierdzili ŭ Kryminalnaj palicyi.

Kaźbiek Japryncaŭ i Alaksandr Arabian. Fota: Dźmitryj Bruško, TUT.BY

Kaźbiek Japryncaŭ i Alaksandr Arabian. Fota: Dźmitryj Bruško, TUT.BY

Kryminalny praces kvalifikavany pa artykule 195 častcy 3-j Kryminalnaha zakona Łatvii — lehalizacyja srodkaŭ, nabytych złačynnym šlacham u bujnym pamiery abo ŭ składzie arhanizavanaj hrupy. Pakarańnie pa artykule — pazbaŭleńnie voli na termin ad troch da dvanaccaci hadoŭ z kanfiskacyjaj majomaści abo biez kanfiskacyi.

Havorka idzie ab finansavych apieracyjach, praviedzienych u pieryjad z 1 červienia 2013 hoda pa 30 žniŭnia 2014 hoda kampanijami Edena Investment, Strawfield Logistics, Unicorp Systems, Datacross, Atlantico trade. Pa viersii śledstva, rachunki hetych kampanij mahli być vykarystany dla atrymańnia i pieramiaščeńnia hrašovych srodkaŭ, atrymanych ašukanskim šlacham u kampanii Kersey Industries, i ŭ lehalizacyi srodkaŭ u abjomie nie mienš čym 2,841 młn dalaraŭ. Siarod asobaŭ, jakija, mahčyma, majuć dačynieńnie da kampanij, nazvany Alaksandr Arabian, Isaak Papadopułas, Uładzimir Batvinka i Alaksandr Kulikoŭ. Najaŭnaść siarod fihurantaŭ spravy inšych hramadzian Biełarusi pradstaŭniki Kryminalnaj palicyi paćvierdzić admovilisia.

Pa dadzienych TUT.BY, niahledziačy na toje, što sprava raspačata jašče ŭ listapadzie 2016 hoda, u Biełaruś jana nie pieradavałasia, u dačynieńni da jaje fihurantaŭ, da prykładu, Uładzimira Japryncava, śledčych dziejańniaŭ nie pravodziłasia.

Andrej Rabcevič — krajni sprava. Fota: Dźmitryj Bruško, TUT.BY

Andrej Rabcevič — krajni sprava. Fota: Dźmitryj Bruško, TUT.BY

Kampanija KIERSO fihuravała ŭ pracesie ŭ Centralnym sudzie Miensku ŭ minułym hodzie jak šatłandskaja «dačka» kampanii Skay IT, kamiercyjnym dyrektaram jakoj padpisvaŭsia pryznany ŭ pracesie paciarpiełym Andrej Rabcevič. Rabceviča, jaki pražyvaje ŭ Polščy, u materyjałach spravy nazyvali «biełaruskim biznesmienam», choć biznesam jon u asnoŭnym zajmaŭsia za miežami krainy, a ŭ svoj biełaruski pieryjad bijahrafii byŭ, chutčej, siłavikom, bo skončyŭ Akademiju MUS i maje dośvied pracy ŭ pravaachoŭnych orhanach.

Z abvinavačańnia: Kaźbiek Japryncaŭ z červienia 2013 hoda pa sakavik 2014 hoda, dziejničajučy sa złačynnym namieram i ŭ hrupie z Alaksandram Arabianam i Isaakam Papadopułasam (hramadzianinam Hrecyi, schavaŭsia ad śledstva, sprava vydzielena ŭ asobnuju vytvorčaść), ździejśnili ŭ dačynieńni da Juryja Saviaka i Andreja Rabceviča ašukanskija dziejańni, zavałodaŭšy srodkami hetych hramadzian i ich kampanij u sumie na 24,5 młn dalaraŭ i 3 młn dalaraŭ adpaviedna.

23 žniŭnia 2016 hoda sud Centralnaha rajona Minska pryznaŭ Uładzimira Japryncava vinavatym pa č. 1 art. 405 (Zahadzia nie abiacanaje ŭkryvalnictva) i prysudziŭ jaho da štrafu ŭ pamiery 1000 bazavych vieličyń, a ŭličvajučy ŭtrymańnie pad vartaj na praciahu hoda, źmiakčyŭ pakarańnie da 500 bazavych vieličyń (10 500 rubloŭ — kala 5,4 tysiačy dalaraŭ). Japryncaŭ byŭ vyzvaleny ŭ zale suda. Pa ahučanaj u sudzie infarmacyi, da kampanij Edena, Strawfield, Unicorp, Datacross, Atlantico jon dačynieńnia nie mieŭ i siarod zasnavalnikaŭ paznačany nie byŭ. Pry hetym jon pryznaŭ, što ŭ jaho była kartka łatyšskaha Trast Kamiercbanka (ahučany ŭ sudzie abarot pa joj — niaznačnyja sumy, kala 2 tysiač jeŭra), jakoj jon karystaŭsia dla apłaty patreb spartsmienaŭ, ź jakimi vyjazdžaŭ za miežy krainy na zbory i spabornictvy.

Kaźbiek Japryncaŭ i Alaksandr Arabian pryznanyja sudom vinavatymi pa č. 4 art. 209 (Machlarstva) i pryhavorany da pazbaŭleńnia voli terminam na 8 hadoŭ z adbyvańniem pakarańnia ŭ papraŭčaj kałonii ŭzmocnienaha režymu z kanfiskacyjaj majomaści.

Cikava, što paciarpiełyja sprabavali ŭ kryminalnym pracesie damahčysia zadavalnieńnia pazovaŭ da Uładzimira Japryncava. U pryvatnaści, pazoŭ ad Rabceviča byŭ na 7,915 młn dalaraŭ. U pazovach sud admoviŭ. Damahacca vypłat u Japryncava-małodšaha i Arabiana paciarpiełyja zaraz sprabujuć u ramkach hramadzianskaha sudavodstva.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?