Padčas pieratrusu, praviedzienaha ŭ ramkach kryminalnaj spravy pa art. 339 KK Respubliki Biełaruś (chulihanstva), u žycharki Mazyra kanfiskavali elemienty adzieńnia, litaraturu i inšyja pradmiety anarchisckaha kirunku, paviedamlaje pres-słužba MUSa. 

Elektrašokier, dva hazavyja bałončyki, broniekamizelka, treniravalny humovy nož i dva pistalety — taki nabor vyjavili supracoŭniki 8-ha ŭpraŭleńnia (pa Homielskaj vobłaści) HUBAZiK MUS doma ŭ 22-hadovaj žycharki Mazyra.

Akramia taho, pa miescy jaje žycharstva znajšli čorna-čyrvony ściah i bandanu, try maski z prarezami dla vačej, hučnahavarylnik i 20 brašur, jakija prapahandujuć anarchizm. Na pytańni ab pachodžańni hetych rečaŭ dziaŭčyna adkazvać admoviłasia. Pavodle infarmacyi apieratyŭnikaŭ, jana źjaŭlajecca ŭdzielnicaj anarchisckaha ruchu.

U ciapierašni čas zbroja nakiravana na ekśpiertyzu, daśledujecca źmiest drukavanaj pradukcyi, kanfiskavanaj pry vobšuku.

Клас
Панылы сорам
Ха-ха
Ого
Сумна
Абуральна