Znakamity lotčyk-vyprabavalnik, Hieroj Savieckaha Sajuza Ściapan Mikajan pamior na 95-m hodzie žyćcia, paviedamlajecca na sajcie Rasijskaj samalotabudaŭničaj karparacyi «Mih».
PhotoXpress
Ściapan Mikajan naradziŭsia 12 lipienia 1922 hoda ŭ Tbilisi (Hruzija). U 1941 hodzie skončyŭ Kačynskuju vajennuju avijacyjnuju škołu lotčykaŭ, a ŭ śniežni hetaha ž hoda pajšoŭ na front. U hady Vialikaj Ajčynnaj vajny vajavaŭ u jakaści lotčyka-źniščalnika. U 1951 hodzie skončyŭ Vajenna-pavietranuju inžyniernuju akademiju imia N.Je. Žukoŭskaha i pierajšoŭ na lotna-vyprabavalnuju pracu ŭ HK NDI VPS. Na praciahu 23 hadoŭ vypraboŭvaŭ bajavyja samaloty marki «Mih». U 1975 hodzie za praviadzieńnie dziaržaŭnych vyprabavańniaŭ samalota Mih-25 byŭ hanaravany zvańniem Hieroja Savieckaha Sajuza.
Ściapan Mikajan lataŭ až da 1978 hoda. Ahułam asvoiŭ 102 typy latalnych aparataŭ, u tym liku Mih-23, Mih-25, Mih-27.
