Jak zajaviŭ mer Minska Andrej Šorac u kamientary kanału ANT, lubyja masavyja mierapryjemstva 25 sakavika buduć pryznanyja niezakonnymi.
«Usie zajaŭki, jakija byli pieradadzienyja ŭ Minharvykankam na praviadzieńnie niejkich mierapryjemstvaŭ, byli razhledžany. Dźvie zajaŭki byli adklikanyja samimi zajaŭnikami, čatyry inicyjatary jašče adnoj zajaŭki admovilisia raniej. I siońnia apošniaja asoba, jakaja zajaŭlała pra mierapryjemstva, taksama piśmova adklikała svaju zajaŭku. Tamu lubyja mierapryjemstvy ŭ Minsku, jakija mohuć adbycca, buduć pryznanyja niezakonnymi», — rastłumačyŭ Andrej Šorac.
Akramia taho, na ANT zajavili, što zajaŭniki «ŭžo parušyli zakon, kali stali zaklikać hramadzian da ŭdziełu ŭ niesankcyjanavanaj akcyi», nie dačakaŭšysia rašeńnia haradskich uładaŭ.
Nahadajem, raniej siońnia Minharvykankam prapanavaŭ zajaŭnikam akcyi svoj farmat praviadzieńnia Dnia Voli: zbor udzielnikaŭ z 12.00 da 12.30 u parku Družby narodaŭ na pł. Banhałor, zatym da 13.00 tam ža mitynh. Pradstaŭniki z hetym nie pahadzilisia.
Da hetaha vykankam dvojčy admianiaŭ sustreču z zajaŭnikami i nie paviedamiŭ ich piśmova pra svajo rašeńnie ŭ abumoŭleny zakonam piacidzionny termin da pačatku akcyi.
