Adnym z hierojaŭ Dnia Voli staŭ mužčyna ŭ biejsbołcy — biełaruski patryjot, jaki nie zmoh prajści mima kinutaha na ziamlu bieł-čyrvona-biełaha ściaha.

Režysior Mikałaj Chalezin źviarnuŭ uvahu na ŭčynak minčuka (na videa BBC paznaka 2:25). Navokał chapali ludziej, ale asabista jaho amapaŭcy nie kranali.

Kali ž jany vyrvali vudu sa ściaham ŭ adnaho z demanstrantaŭ, mužčyna hučna abvieściŭ «Uzdymajem ściah nazad!» i z honaram pajšoŭ ź im uzdoŭž praśpiekta. Bieł-čyrvona-biełaje pałotnišča znoŭ załunała ŭ niebie.

Śmieły mužčyna nie moh nie razumieć, čym skončycca historyja. Na jaho nakinulisia adrazu try (!) amapaŭcy.

Spadziajemsia, mužčyna paźbiehnuŭ pakarańnia. «Naša Niva» prosić jaho albo jahonych rodnych i siabroŭ adhuknucca, kab paviedamić hramadskaści imia hieroja.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?